Asosiy mavzular
13 iyun 2019

Andijon tug‘ruqxonasi farroshi IIB xodimlari uni urishganini aytmoqda

Andijon shahri 2-tug‘ruqxonasi farroshi 33 yashar Odinaxon Ergasheva 9 iyun kuni ichki ishlar xodimlari uni telefon o‘g‘irlaganlikda gumon qilib, Andijon shahri 4-IIBga olib borib kaltaklashgani, majburlab aroq ichirishganini iddao qildi.

«Bitta kasalning telefoni yo‘qolib qoldi. Mening smenamda yo‘qolgan. O‘sha kuni topilibdi ham. Meni urib, qiynashganidan keyin…».

Ergasheva o‘z intervyusida 6 iyun kuni uni Andijon shahri 4-IIB qidiruv bo‘limi xonasiga olib kirishib, qidiruv bo‘limi boshliqlari nazorati ostida kaltaklashganini bildiradi.

«Ko‘kartirmaydigan qilib ur. Ko‘kartirma buni. Ichini to‘k», deb rosa o‘rgatib turdi ikkitasi. Qolgan uch kishi esa meni urdi», dedi u.

Ergasheva, shuningdek, IIB xodimlari uning og‘ziga majburlab aroq quyishganini aytadi:

«Bo‘ynimni bunday qilishib, achchiq narsa quyishdi. «Nima bu?» dedim, «aroq» deyishdi, burnimni bekitib turib, ichasan, deyishdi».

Andijon viloyati IIB 9 iyun kuni voqea yuzasidan tarqatgan xabarida chindan ham yo‘qolgan telefonning bemor yotgan xonadan topilganini e'tirof etdi.

Biroq IIB Odina Ergashevani ichki ishlar xodimlariga tashlanib, bezorilik qilganlikda ayblamoqda.

Odina Ergasheva kaltaklardan keyin tez-tez hushidan ketayotganini, shifoxonadagi hamkasblari esa uni tibbiy ko‘rikdan o‘tkazishga ham rozi bo‘lishmayotganidan shikoyat qilmoqda.

«Eltuz» 12 iyun kuni kun davomida Ergasheva bilan bog‘lanishga urindi, biroq uning telefoni aloqadan uzilganicha qoldi.

Eltuz.com

Tag‘in o‘qing
26 sentyabr 2016
«Adolat» gazetasi (20.09) «Adolat» sotsial demokratik partiyasi siyosiy kengashi majlisi bo‘lib o‘tgani, unda partiyadan O‘zbekiston prezidenti saylovida ishtirok etadigan ...
20 aprel 2023
Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar Qashqadaryoning Qarshi, Koson, Samarqand viloyatining Qo‘shrabo ...
28 noyabr 2020
Afu et meniTaqlid qilolmadim, kechir, Vatanim –Tosh kabi bardoshli bo‘lolmadim hech.Sapchib turgan esam, aybsitma meni,Afu et, axir men o‘lolmadim ...
3 yanvar 2024
Eltuz portaliga kelgan navbatdagi beshta maktubni o‘qiymiz. Ular O‘zbekistonning Navoiy, Buxoro, Toshkent, Qashqadaryo va Farg‘ona viloyatlaridan kelgan. Dastlabki shikoyat ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...