Asosiy mavzular
20 yanvar 2023

EP55: Tovuqxonasi tortib olingan fermer, sovuq qish va gaz tanqisligi

Eltuz portaliga kelgan navbatdagi 5 ta shikoyatni o‘qib eshittiramiz. Dastlabki shikoyat Xorazm viloyatining Shovot tumanidan. Parrandachilikka ixtisoslashgan ferma egasi Muyassar Abdullaeva bir necha yil avval o‘ziga tegishli bo‘lgan bostirma va omborxona binolari noqonuniy tortib olingani, bugungi kunda esa sud va prokuratura idoralari eshigida sarson bo‘layotganini aytmoqda.

Binolarimizni nohaq tortib olishdi
(video murojaat)

Gaz idorasi xodimlari dam olish kunlari ham ishlamoqda

«Qashqadaryo viloyati Dehqonobod Tumangaz tashkiloti ishchi hodimlarini shanba – yakshanba kunlari ham majburiy ishlatib kelmoqda. Ammo ish haqiga kelsak o‘zgarish bo‘lmaydi, ishbay asosida to‘g‘ri taqsimot yo‘q, rahbarlar xohlagan ishini qiladi. Oddiy ishchilar ezilmoqda, bu nohaqlikning yechimi bormi kimdan yordam kutaylik?»

Buxorodagi «masxarabozlik»

«Buxoro viloyati Vobkent tumanida paxta to‘qimachilik klasteri homiylik qildi deb kam ta'minlangan aholiga kundalik oziq ovqat tarqatildi. Harajatlar fermerlardan 160 ming so‘mdan naqd terib olindi, ana masxarabozlik«

Gaz ham chiroq ham o‘chayapti

“Qashqadaryo viloyati Qarshi shahri Saroy Feron ko‘chasidan murojaat yo‘llayapmiz. Gaz o‘chib qoldi. Aholini ogohlantirmasdan chiroqni ham soatlab o‘chirishyapti. Transformatorlar yoz bo‘yi qarovsiz yotdi. Mahalla va elektr korxonasi qishga avvaldan tayyorgarlik ko‘rsa bo‘lar edi-ku!
Gaz o‘chgach, eski quvurni yana yamashdi. Yangi quvur qo‘yishsa yaxshi bo‘lardi. Gaz o‘ynashidan uyimizda pechka yonib ketdi. Uyimiz ham yonib ketishiga bir baxya qoldi. Mutasaddilar holatni nazoratga olishini so‘raymiz”.

Toshkentning muzlagan ko‘chalari

“Toshkentning Labzak dahasi Zulfiyaxonim ko‘chasidan murojaat qilyapman. Katta yo‘l qordan yaxshi tozalanmadi. Piyodalar yo‘lagida ham qor uyulib yotibdi. Ichki hovlilarda yaxmalak hosil bo‘lgan. Aholi, ayniqsa, qariyalar qiynalyapti. Qor og‘irligidan ayrim daraxtlar sinib ketdi. Ko‘p qavatli uy tomlarida katta-katta sumalaklar hosil bo‘lgan. Xudo ko‘rsatmasin, birovning boshiga tushsa fojia ro‘y berishi mumkin. Odamlar hushyor bo‘lib yursin. Kommunal xizmatlar holat bo‘yicha amaliy yordam bersa yaxshi bo‘lardi.

YeXHT idorasi qarshisidagi piyodalar yo‘lagi svetoforida tugma qo‘yilmagan. Bu yerda piyodalar avariyaga uchrashi ham kuzatilmoqda. yo‘l harakati xavfsizligi vaziyatni nazoratga olishini so‘rab qolamiz”.

@eltuz

Tag‘in o‘qing
24 sentyabr 2020
So‘nggi paytlarda mendan endi migrantlarning taqdiri qanday bo‘lishi haqida tez-tez so‘rashmoqda. Ayrimlar Rossiyadan qaytayotgan ishsiz erkaklar oqimidan ochiqchasiga hayiqmoqda. ...
20 iyun 2016
Kam ta'minlanmagan xonadon qolmagan Shibzon mahallasi haqida yozgan «Qishloq hayoti» gazetasini sinchiklab qayta o‘qigan odam, o‘z tomorqasiga tezak olib ...
20 noyabr 2018
Prezident Shavkat Mirziyoevning eng katta islohotlaridan biri aholiga davlat xizmatlari ko‘rsatish tizimini tubdan yaxshilash bo‘ldi, desak yanglishmaymiz. Hozir Yagona ...
1 yanvar 2022
Qadrli Eltuz kanali ko‘rarmanlari va obunachilari. Cizlarni avvalo kirib kelayotgan yangi 2022 yil bilan tabriklamoqchimiz. O‘tgan 2021 yil O‘zbekiston ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...