Shoshilinch xabar! Salimboy ushlandi, G‘opirboy qidirilmoqda

Huquq tartibot idoralari maxsus kuchlari 1 dekabr, ya'ni kecha kechqurun taniqli tadbirkor, postsovet hududida “Salimboy”, “Salimboyvachcha” deya tanilgan Salim Abduvalievni Toshkentdagi uyida hisbga olganlar.

Eltuz insayderlarining aytishicha, navbatdagi “maski shou” amaliyotida Salim Abduvaliev va uning uyida bo‘lgan ko‘plab yigitlari avtobusga tiqib olib ketilgan. 

Ayni paytda tadbirkor-mafioziy G‘ofir Rahimov ham qidirilmoqda.  Niqobli maxsus-kuchlar “qora G‘opir” laqabi bilan mashhur G‘ofir Rahimovning dastlab Toshkentdagi uyiga, so‘ngra dala hovlisiga borganlar, biroq uni topa olmaganlar. 

Ichki ishlardagi Eltuz manbasiga ko‘ra, G‘opir Rahimov “yo O‘zbekistondan qochib chiqqan yoki biron joyda berkinib yotibdi”. 

Kecha shuningdek, boshqa bir mafiozi, tatar millatiga mansub Edem Osanov ham hibsga olingan.

Undan tashqari “Aziz chuchvara” lakabli avtoritet va uning guruhi, “Avaz qoraqamish” nomli kriminal avtoritet ham ushlangan.

Toshkent shahrida kriminogen vaziyatni yaxshilash bo‘yicha keng qamrovli tezkor-profilaktik tadbirlar o‘tkazilmoqda, deya bugun ilk bor xabar berdi Toshkent shahar IIBB axborot-multimediya markazi.

Eltuz O‘zbekistondagi blatnoylar oviga oid jarayonlarni yoritishda davom etadi. Videolarimizga layk bosing, kanalimizga obuna bo‘ling.