Asosiy mavzular
7 fevral 2024

Tanlov g‘olibi imtiyozli kreditdan mahrum bo‘ldi

«Yoshlarning 100 ta eng ilg‘or loyihasi» tanlovida g‘olib topilib, to‘rtinchi o‘rinni olgan Navoiylik tadbirkor Pardaev Umid imtiyozli kredit olish huquqidan asossiz mahrum qilinganini iddao qilmoqda.

Bu haqda u Bosh vazirga, Bosh prokuraturaga, Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha Hukumat komissiyasi raisiga murojaat qilgan.

Uning so‘zlariga ko‘ra, Hukumat komissiyasi qarorida 4-o‘rin uchun Jamg‘arma hisobidan to‘g‘ridan-to‘g‘ri garov ta'minotisiz 5 yilga 1 yil imtiyozli davr bilan biznesni moliyalash ko‘zlangan.
“Mendan esa endi garov talab qilishayapti. Vaholanki loyiha g‘oliblari uchun ustama foizlarsiz va garovga hech narsa qo‘ymaslik sharti bilan mablag‘ berilishi aytilgan. Mening loyiham aynan shu tanlov natijasiga ko‘ra amalga oshirilishi ko‘zlangan edi. Men bu pulga Xitoydan har xil turdagi gofra karton, polietilen mahsulotlar ishlab chiqarish liniyasini olib kelib, baklashka idishlar va qutilar ishlab chiqarishni yo‘lga qo‘ymoqchi edim” dedi Pardaev Eltuz bilan yozishmasida.
Hususan u bilan telefonda gaplashgan vazirlar mahkamasi mulozimi Botir Madraximov, unga bu biznesning pul bilan bog‘liqligini tushuntirgan, uning esa buni tushunishni istamayotganini aytgan.

“Men sizga 200 marta tushuntirdim, qo‘pol qilib aytganda. Nimaga bo‘layotganini hammasini tushuntirdim. Siz bilan tortishishga mening… nimam yo‘q. Tushunishni hoxlamasangiz nima qilay men? Mening qo‘limdagi yoki boshqaning qo‘lidagi narsamas u. Pul bilan bog‘liq narsa. Hech kim tekinga pul beradiganini birorta joydan topsangiz ayting, menam olaman borib. Sizga shuncha tushuntirildi. Siz prosto tekinga pul olmoqchisiz, tadbirkorlik qilmoqchisiz, yana tekinga pul olmoqchisiz. Shunaqalardan aziyat chekilgani uchun, shunaqalarga pul berilmaydigan bo‘lib qoldi. Oldingilar berib, qaytarib yurganida, sizga o‘xshaganlar olib-berib yuravergan bo‘lardi. Davlatni puli. Xalqni puli u… ”

Tadbirkorning ijrochi tashkilotga yozgan murojaatiga javoban esa Investitsiyalar sanoat va savdo vazirligi Vazirlar Mahkamasining 294-sonli qarori asosida bankning ichki tartibi orqali bankka garov ta'minoti qo‘yib kredit olish mumkinligini bildirgan.

“Holbuki, ayni 294-qarorning 5-bob, 26, 27 bandlarida Jamg‘arma hisobidan to‘g‘ridan to‘g‘ri moliyalash tartibini Hukumat komissiyasi belgilashi bildirilgan. Biroq soha amaldorlari har xil byurokratik to‘siqlar, sarsongarchiliklar bilan biz yosh tadbirkorlarni umidimizni so‘ndirishyabdi”. deydi tadbirkor.

Shuningdek uning Eltuzga yozgan xati va ilova qilgan hujjatlardan ma'lum bo‘lishicha, 2021 yilning 7 iyul kuni Investitsiya va tashqi savdo vazirligi veb sayti va “Fursat” mediya loyihasida tanlov natijalari e'lon qilingan.

Unda tanlovni moliyalashtirish shartlari o‘zgartirilganiga oid biror ma'lumot berilmagan.
Aksincha, tanlov yakunlari bo‘yicha 1-3 o‘rinni olgan nomzodlarga tanlov shartlari asosida, garov ta'minotisiz qaytarilmaslik sharti bilan, grant mablag‘lari Jamg‘arma hisobidan to‘g‘ridan-to‘g‘ri ajratilgani bildirilgan.

Shuningdek, tadbirkor tanlov natijalariga oid onlayn chatdagi uning e'tirozlari keyinchalik ma'lumotlar lentasidan o‘chirib yuborilganini iddao qilmoqda. Bu haqda u Bosh prokuratura maslahatchisiga murojaat  qilganini bildirdi. Ma'lumotlarga ko‘ra, «Yoshlarning 100 ta eng ilg‘or loyihasi» ishtirok etib 4 va 20 -nchigacha bo‘lgan o‘rinlarni egallagan tadbirkorlar ham Jamg‘arma hisobidan to‘g‘ridan-to‘g‘ri garov ta'minotisiz 5 yilga 1 yil imtiyozli davr bilan biznesni moliyalash ko‘zlangan. Biroq Eltuzda ulardan birortasining bu imtiyozga ega bo‘lgani haqida hozircha ma'lumot yo‘q.

Eltuz uydagi gapni ko‘chaga olib chiqadi, kanalimizga obuna bo‘ling, videolarimizga layk bosing.

Tag‘in o‘qing
3 iyul 2017
1-iyuldan O‘zbekistonda internetga rasmiy ruhsatsiz klip qo‘yish taqiqlandi. Ozodbek Nazarbekov yoshlar kanaliga raxbar bo‘ldi. «Kamolot» harakati tugatildi. «Yoshlar ittifoqi» ...
1 aprel 2019
O‘zbekiston Markaziy banki mamlakatning tashqi qarzi o‘tgan yildagiga nisbatan 9,5 foiz, ya'ni 1,5 milliard dollarga o‘sib, 17,3 milliard dollarga ...
18 oktyabr 2018
18-19 oktyabr kunlari  O‘zbekistonga davlat tashrifi doirasida Rossiya prezidenti Vladimir Putin Buxoro viloyati chegarasida qurilishi rejalangan atom elektr stantsiyasining ...
18 iyul 2018
“Biz fermerlikning eng yaxshi davrlarini o‘tkazib qo‘ygan ekanmiz. Bu yilgi ahvolimiz shunday dalolat bermoqda”. Bu qashqadaryolik bir fermerning e'tirofi. ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...