29 апрель – ҳуқуқ фаоли Аъзам Фармонов қамоққа олинган эди

2006 йил 29 апрель куни эрталаб 27 яшар ҳуқуқ фаоли Аъзам Фармонов таксида вилоят касалхонаси томон кетаëтганида учта милиция машинаси таксини йўлнинг четига сиқиб тўхтатишган эди.

Милиционерлар Аъзам Фармоновни таксидан суғуриб олиб, қўлига кишан солишди ва милиция машинасига тиқиб, Гулистон шаҳри милиция бўлимига олиб кетишди.

Ўзбекистон инсон ҳуқуқлари жамиятининг Сирдарё вилояти бўлими раиси Аъзам Фармонов, ўз ҳамкасблари фикрига кўра, қайнатаси Толиб Ёқубовнинг ижтимоий фаолияти сабаб, расман эса 300 долларга яқин миқдордаги пулни “таъмагирлик” билан олишда айбланиб, 9 йилга озодликдан маҳрум этилган эди.

2015 йил апрелда Фармонов “жазони ижро этиш муассасаси қонуний талабларига бўйсунмаганликда” айбланиб, унинг жазо муддати тағин беш йилга узайтирилди.

Ўн йилдан ортиқ ҳибсда сақланган инсон ҳуқуқлари фаоли Аъзам Фармонов ўтган йилнинг 3 октябрь куни 38 ёшида қамоқдан озод этилди.

Eltuz.com