Дайжест
23 феврал 2017

Кадрлар тайёрлаш миллий дастурининг бир тийинга қимматлиги айтилди

Газеталаримизда йиллар давомида Кадрлар тайёрлаш миллий дастурининг ўзига хослиги, тараққиётимиз учун муҳим ўрин тутиши, дунёда ўхшаши камлиги тинимсиз таъкидлаб келинаётганди.

Аммо “Ҳуррият” газетасида (22.02) чоп этилган “Таълим тизими: муаммо ва ечимлар” мақоласида билдирилган фикрлар юқоридаги таъкидлар ғирт ёлғон экани, аслида бу миллий дастур бугунги кун учун бир тийинга қимматлиги билдирилади.

Гарчи мақолада тўғридан-тўғри Кадрлар тайёрлаш миллий дастури ҳақида гап бормаса-да, ундан айтилган мулоҳазалар айнан шу дастурнинг бугунги кун учун яроқсиз эканига ишора қилади.

“Бугун амалдаги таълим тизимимиз замонавий, ривожланган давлатлардаги каби глобаллашув талабларига жавоб бера оладими? Таълим тизимида ечимини кутаётган қандай муаммолар бор?” деган риторик саволларни ўртага ташлайди мақола муаллифи бўлмиш ЎзМУ профессори.

Бу саволларга унинг ўзи жавоб беришга ҳаракат қилади. “Кадрлар тайёрлаш миллий тизимининг глобаллашув жараёнида бозор талабларига жавоб бермаслиги, таълим тизимида ўқув жараёнининг моддий-техника ва ахборот базаси такомилига етказилмаганлиги, юксак малакали педагог кадрларнинг етишмаслиги, ҳозирги замон талабларига мос ўқув-услубий ва илмий адабиётлар камлиги, фан, таълим ва ишлаб чиқариш ўртасида ўзаро алоқаларнинг заифлиги тизимдаги камчиликлардан ҳисобланади”, дейди муаллиф.

Шунингдек, мақолада айтилишича, академик лицейлар ва касб-ҳунар коллежлари битирувчиларининг тахминан 10 фоизигина олий ўқув юртларига биринчи йилиги ўқишга кирмоқда, холос. Шу боис, қўшимча таълим – репетитор хизматига катта эҳтиёж мавжуд.

Мақолада таълим муассасалари ўқув жараёнини ташкил этишда етарлича мустақилликка эга эмаслиги, улар меҳнат бозорининг ўзгарувчан шароитларига яхши мослашмагани, шу билан бирга, тизимдаги ўқитувчи-педагоглар катта қисмининг билим ва касбий даражаси пастлиги жиддий муаммо экани танқид қилинади.

Муаллиф бугунги кунда хорижий мамлакатлар олий ўқув юртларида ўқиб, ўша ерда қолиб кетаётган ёш олимлар муаммосини тилга олади ва улар ўша ерда “…магистратурани тугатиб, илмий ишларини давом эттириб, фан докторлари бўлиб, ўша мамлакат университетларида, илмий текшириш институтларида самарали фаолият кўрсатаётгани”га эътибор қаратади.

Газетада хорижий илмий-текшириш институтлари, ОАВларда фаолият юритаётган ўзбекистонлик ёшларни мамлакатга чорлаб, уларнинг салоҳиятидан юрт тараққиёти йўлида фойдаланиш таклифи илгари сурилган.

Юқорида айтганимиздек, гарчи мақолада Кадрлар тайёрлаш миллий дастури бугунги кун талабларига жавоб бермаслиги очиқ айтилмаган бўлса-да, таълим тизимини замон руҳига мослаб такомиллаштиришга доир муҳим мулоҳазалар билдирилган.

Бу масаланинг матбуотга чиқарилишининг ўзи мақтовга лойиқ. Энди ҳаммаси ҳукумат ўзининг кўп йиллик хатосини тузатиш учун қандай йўл тутишига боғлиқ назаримизда!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
2 феврал 2017
Мирзиёевнинг “Ҳар бир хонадон 100 тадан товуқ боқишга мажбур” деган баёноти турлича талқин қилинмоқда. Қорақалпоққа сафари чоғида у тағин ...
8 март 2019
​​Жаллод деганда бошига қоп кийдирилиб, кундага қўйилган каллани ойболта билан чопадиган бақувват одамни тушунишади одатда. Лекин аслида вазият бироз ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  Бу айблов қанчалик тўғри ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза қилиши кутилмоқда. Бу унинг ...
Блоглар
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб ...