Хонанда Азиза Ниёзметова оламдан ўтди

Хоразмлик таниқли хонанда Азиза Ниёзметова 14 октябрь куни 46 ёшида оламдан ўтди.

Бир йил аввал саратон касалига чалинган хонанда яқинда Республика онкология тиббий марказида даволангач, Хоразмга қайтган эди. Бундан илгари унинг Ҳиндистонга бориб даволангани «Элтуз»га маълум.

Бир йил бурун Азиза Ниёзметова «Элтуз» нашрига ўз ҳамкасби Озодбек Назарбековнинг давлат тадбирларида текин концерт қилинишига қарши фикрини ҳимоя қилиб интервью берган эди:

Азизанинг «Кишмиш», «Қўй, оғажон», «Хиванинг тор кўчасинда», «Шиқир-шиқир» каби жозибадор қўшиқлари мухлислари қалбидан жой олган.

Ижодини 90-йиллар бошида раққосаликдан бошлаган Ниёзметова илк қўшиқларини Урганчдаги мустақил «Эй-Эл-Си» телекомпанияси орқали 1994 йилдан бошлаб элга тақдим қилган эди.

Eltuz.com