Асосий мавзулар
3 феврал 2020

Жамоатчиликдан тортиб олинган фонд ёки бургутга ишонса бўладими?

Комил Алламжонов ва Саида Мирзиёеванинг ОАВ ва блогерларни қўллаб-қувватлаш мақсадида ташкил этилган янги жамоат фонди васийлик кенгаши раҳбарлигига тайинланиши аввал бошданоқ ушбу тузилманинг ўз мақомини йўқотгани аломатидир.

Яъни бу фонд ҳали туғилмасиданоқ жамоатчиликнинг эмас, балки давлатнинг, тўғрисини айтганда, давлат тепасида турган ҳокимият вакилларининг назоратига ўтди.

Чунки фонднинг васийлик кенгаши раиси ҳам, унинг ўринбосари ҳам яқиндагина давлатнинг матбуотни назорат қиладиган тузилмаси раҳбарлигидан истеъфо берган амалдорлардир.

Қолаверса, Саида Мирзиёеванинг отаси мамлакат раҳбари эканини инобатга олсак, у ОАВ ва блогерларнинг президентга қарши фикрларини қўллаб-қувватлайди, деб ўйлайсизми?

Янги фонднинг икки раҳбари ҳам аввалги иш жойида ҳукумат тарғибот-ташвиқот машинасининг дарғалари эди.

Ҳеч шубҳасиз, уларнинг янги фонди ҳам айнан шу мақсадларга хизмат қилишга ундовчи бўлади.

Бошланишида бу фонднинг ташаббускорлари сифатида ўзининг нисбатан эркин фикри, бугунги жамиятни бир қадар қониқтираётган танқидий чиқишлари билан танилган мустақил интернет нашрлар ва блогерлар кўрсатилган эди.

Тузилманинг жамоатчилик кенгаши аъзолигига таклиф этилганлар орасида ҳам улар кўпчиликни ташкил этаётган, ҳатто орасида “Америка овози”нинг вакиласи ҳам кўрсатилганди.

Бири “Солиқ инфо”, “БЭМ”, “Автотест” каби шубҳали лойиҳаларга боғланган, ўзбек олигархларининг вакили сифатида кўриладиган Комил Алламжонов, иккинчи эса президентнинг матбуот соҳасидаги кўзу қулоғи бўлган қизи Саида Мирзиёева тимсолидаги раҳбарларга эга бўлган янги фонд некбин истиқ,олидан айрилгандек.

Чунки бу тузилма Ўзбекистондаги ҳокимият тарғибот-ташвиқот механизмининг бир мурватига айланиши, бироз тизгиндан чиққан блогерларни жиловлашга хизмат қилишига шубҳа қолаётгани йўқ.

Зеро, ишонмаслик учун далиллар етарли.

Ўтган йили Ахборот ва оммавий коммуникация агентлиги раҳбари лавозимида ишлаётганда Комил Алламжонов блогерлар фаолияти оммалашаётгани, агентлиги уларни ўз ҳимоясига олганини билдирганди.

Бу “ҳимоя” ортидан блогер Нафосат (Шабнам) Оллоберганова аввал 10 кунга қамалиб, сўнг жиннихонага тиқилди. Ундан кейин ҳам айрим блогерлар маъмурий қамоқ таъмини таътиб кўрди.

Энди бу “ҳимоячи” шу кабиларни қўллаб-қувватлашга бел боғлаган фонднинг расмий раҳбари бўлди. Хулоса ўзингиздан.

Дарвоқе, янги фонднинг эмблемаси ҳам тасдиқланди. Эмблемада бургут тимсоли бор.

“Бургутнинг кучи эса жамиятимизда сўз эркинлигини янада мустаҳкамлаш ниятида бўлган журналист ва блогерлар ҳамжамиятининг куч ва ғайратини ифодалайди”, дейилади бу ҳақда тарқатилган хабарда.

Ишқилиб, бу бургутнинг асосий қуроли бўлмиш тумшуғи ва тирноқлари замонга мослаб педикюр қилинмаган бўлсин-да!

Eltuz.com

Тағин ўқинг
10 январ 2019
Олмалиқдаги “Аммофос-Максам” ширкати ишчиси, 2018 йилги пахта мавсумида мажбурий теримга олиб чиқилган  24 ёшли Соҳибжон Муталибов Жиззах вилоятининг Дўстлик тумани ...
29 январ 2018
Яқинда вилоятга бориб, бир танишимникига кирдим. Дарвозахонасида бир қоп тўла ўрик дарахти ўтини турган экан. Ўтин бирор касалликка чалинмаган, ...
19 декабр 2016
Таниқли хонанда Озода Нурсаидова 17 декабр куни ўзининг инстаграмм саҳифасида Шавкат Мирзиёевдан кечирим сўраши ҳақида ёзди ва сайловда унга ...
5 октябр 2017
Публицист Бобомурод Абдуллаевнинг ҳибсга олинганини эшитиб, ижодий шахсни бундай уйдирма баҳоналар билан озодликдан маҳкум қилинишидан нафақат ғазаб, балки айбловларнинг ...
Блоглар
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...
4 феврал 2020
Президент Мирзиёев 31 январь куни Давлат геология ва минерал ресурслар қўмитасида ўтган учрашувда «бир кичкина ...