Асосий мавзулар
20 август 2020

Қонундаги ўғри Лоту Гули отиб кетилди, Равшан Золотой қўлга олинди

19 август куни Туркиянинг Анталия шаҳрида асли гуржистонлик “вор в законе” Нодир Салифов отиб кетилди. «Элтуз»га етиб келган маълумотга кўра, Лоту Гули лақаби билан машҳур Нодир Салифовнинг бошига тўрт дона ўқ узилган.

Анталиядаги ресторанлардан бирида Лоту Гули билан овқатланган эркак тўппончаси билан уни отиб ташлаган. Лоту беморхонага олиб кетилган, аммо уни қутқаришнинг иложи бўлмаган.

Кўп ўтмай, турк полицияси Лоту Гули билан яқин алоқада бўлган Хан Ахмедлинскийни қўлга олган. Лоту Гулининг қотили айнан у экани айтилмоқда.

«Элтуз» манбасига кўра, Хан Ахмедлинский қотилликдан бир неча дақиқа ўтиб асли ўзбекистонлик авторитет Равшан Муҳиддинов (лақаби Равшан Золотой)га қўнғироқ қилган.

Орадан кўп вақт ўтмай турк полицияси Равшан Золотойни Истанбулнинг Белек Дузу даҳасидаги вилласидан олиб кетган.

48 яшар Нодир Салифов умрининг 12 йилини Озарбайжондаги қамоқхоналарда ўтказган, озодликка чиққач, Туркияга йўл олганди.

2018 йилда турк полицияси уни мамлакатдан депортация қилди. Аммо у кўп ўтмай яна Туркияга ноқонуний йўллар билан кириб келгани айтилади.

Хан Ахмедлинскийни икки кун олдин Истанбулда Аҳтам Cамарқандский ва унинг одамлари билан кўришган эди.

Равшан Муҳиддинов (Равшан Золотой) жиноий авторитетларга яқин бўлган тадбиркор Ғафур Раҳимовнинг жиянидир. Жорий йилнинг март ойида «Элтуз» Ғафур Раҳимов ва Равшан Золотой ўртасида келиб чиққан зиддиятлар ҳақида хабар берган эди.

Eltuz.com

Тағин ўқинг
16 октябр 2023
Россия қўшни давлатлар, жумладан Ўзбекистон орқали санкцияларни четлаб ўтаётгани, Украинага қарши ишлатилётган қурол аслаҳаларда Ўзбекистонда ишлаб чиқарилган деталлар топилгани ...
17 апрел 2017
Ҳурматли тахририят, Муштумнинг издоши бўлган Элтуз, мен сизга ўзим ишлаган «Муштум» ҳақида ўйларим “Муштум” кеча ва бугун деган маънодаги ...
11 январ 2021
8 январь куни Наманган шаҳрининг Давлатобод туманида Шимолий Фарғона канали устига қурилган 37 метрлик янги кўприк қоқ ўртасидан бўлиниб, ...
5 май 2021
Навоий вилоятининг Хатирчи туманилик марҳум фермер Музаффар Муҳаммадиевнинг яқинлари вилоят ва туман прокуратураларига ишончсизлик билдирмоқда.  Марҳумнинг қабри биринчи марта ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...