Асосий мавзулар
22 ноябр 2022

Япония императори ўзбек вазирни олий орден билан мукофотлади

Жорий йилнинг 9 ноябр куни Токиодаги император саройида Ўзбекистон Республикаси Бош вазирининг ўринбосари, туризм ва маданий мерос вазири Азиз Абдуҳакимовни Япония олий мукофоти Буюк кордон – «Чиқаётган Қуёш ордени» билан тақдирлаш маросими бўлиб ўтди. Анъанага кўра, орден Япония императори Нарухито томонидан бош вазир Фумио Кисида иштирокида тақдим қилинди.

«Чиқаётган Қуёш ордени» мукофоти Япония ва Ўзбекистон ўртасидаги дўстона муносабатларни мустаҳкамлашга қўшган узоқ муддатли ҳиссаси эътироф етилганидан далолат беради.
Япония бош вазири Фумио Кисида билан норасмий суҳбат чоғида бу пандемиядан кейинги биринчи маросим эканлигини, бу рамзий маънога эга эканлигини таъкидлаб, бугун Япония учун шериклик катта аҳамиятга эга бўлган мамлакатлар вакиллари мукофотланганини қўшимча қилди. Суҳбат якунида Фумио Кисида мукофотланган мамлакатлар халқларига ўзининг самимий тилакларини етказишни сўради.

Таъкидлаш жоизки, Ўзбекистон вакили Азиз Абдуҳакимов бу йил МДҲ мамлакатлари орасида ягона ва катта тасмада чиқаётган Қуёш ордени билан тақдирланганлар орасида энг ëши ҳисобланади.

Орден ҳақида

«Чиқаётган қуёш» Япониянинг энг қадимги мукофоти. 1875 йил давлат Кенгаши қарори билан ташкил этилган Чиқаётган Қуёш ордени фақат эркаклар учун бўлиб ҳам ҳарбий, ҳам гражданлар учун берилган.

1875 йил декабрда Токиода орденнинг биринчи тақдирлаш ва тақдимот маросими бўлиб ўтган эди. Мукофотнинг юқори мақомини таъкидлаш учун император ва император оиласининг етти аъзоси биринчи кавалерлар бўлишди. Император оиласидан бўлмагани холда орден олган илк киши 1876 йил феврал ойида зобит Сайго Цугумичи бўлди.

2003 йилда орден бериш қоидаси ўзгартирилди. Энди орден билан аёлларни мукофотлашга изн берилди. Азиз Абдуҳакимов бу орденга сазовор бўлган энг ëш сиëсатчидир.

@eltuz

Тағин ўқинг
9 апрел 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Cамарқанд, Хоразм, Тошкент ва Сурхондарё ...
2 декабр 2019
Қирғизистон миллий тасвирий санъат музейи директори Мира Жангарачева феминнале кўргазмасини ташкил қилгани учун ишдан олинди. Бу ҳолатни қирғиз матбуотига ...
25 ноябр 2016
Eltuz.com учун чизган навбатдаги карикатурасида рассом Туз Шавкат Мирзиёевни Каримов қабридан эстафета таёқчасини олиб кетаётган тарзда акс эттиради. «Каримовнинг ...
29 октябр 2018
Сўнгги олинган хабарга кўра, «Америка овози» радиосининг Истанбулда ҳибсга олинган, Малик Мансур тахаллуси остида ишлайдиган 49 ёшли мухбири Абдумалик ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...