Асосий мавзулар
21 май 2019

Самарқандлик боғбон уйлари ноҳақ бузилганидан арз қилмоқда

Самарқанд вилоятининг Тайлоқ туманида яшовчи 60 яшар боғбон Норқул Ҳотамов турар жой ва иссиқхоналардан иборат кўчмас мулкларини туманнинг собиқ ҳокими ноҳақ бузиб ташлатганидан шикоят қилмоқда.

“Энди қуриб битказиб, яшамоқчи эдик. Ҳоким ерни бошқа кишига олиб бермоқчи бўлган. Аввалига автостоянка қурамиз деб баҳона қилишган эди. Энди эса у ерда котлован қазиб ташлашган”, дейди Ҳотамов.

Унинг “Элтуз”га берган суҳбатидан маълум бўлишича, бу мулклар Самарқанд вилоятининг ўша пайтдаги собиқ ҳокими Зоир Мирзаев даврида, Тайлоқ тумани собиқ ҳокими Пўлат Аҳмедов буйруғи билан 2014 йили бузиб ташланган.

“Мулкларимни уч марта кадастрдан ўтказган эдим. “Ўғлингни ваҳобий деб қаматиб юборамиз”, деб қўрқитишди. Бир кунда эрталаб соат 11.00 да участкани ҳокимлик тасарруфига ўтказиш ҳақида суд қарорини чиқаришди. Ҳали бу қарор кучга кирмай туриб, эртасигаёқ бузиб ташлашди. У ерда гулзорим, иссиқхоналарим бор эди, фарзандларим, учта оила шундан кун кўраётган эдик”, дейди Ҳотамов “Элтуз” мухбирига берган интервьюсида.

У эгалик ҳуқуқининг ноҳақ бузилгани юзасидан Президент девонига ҳам арз қилган, бироқ у ерда аввал қуйи суд маҳкамасига шикоят қилиши лозимлигини уқтирилган.

“Судга борсам, бунинг учун бож ҳам тўлашим кераклигини айтишди. Ҳам уйимни бузишаркан, ҳам бунинг учун пул ҳам тўларканман… Ҳа, энди фойдаси йўқ-да! Улар подшо-да энди, энди жаллод улар, билмайман энди нима қилишни”, дея ҳасрат қилади тайлоқлик Норқул Ҳотамов.

Eltuz.com

Тағин ўқинг
10 июн 2019
Тошкент курантига тақаб пластик ва шишадан кафе-бар учун терасса-айвон қурилиши нафақат янгидан тикланди, балки курантнинг иккинчи томонида ҳам худди ...
31 январ 2017
“XXI аср” газетаси (26.01) Ўзбекистон либерал демократик партияси сиёсий кенгаши ижроқўми ва парламентдаги фракциясининг кенгайтирилган қўшма йиғилиши ҳақида мақола ...
27 январ 2018
“Имом ал-Бухорий” ва “Буюк Амир Темур” каби фильмларни суратга олган таниқли киночи Бақо Содиқов президент фармони билан Ўзбекистон ватандоши ...
1 сентябр 2016
31 август куни россия ОАВ, Ислом Каримов тирик экани ва уни Бурденко номидаги Нейрохирургия Илмий тадқиқот Институти (ИТИ) шифокорлари ...
Блоглар
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...
6 октябр 2019
Руҳий соғлом Нафосат Оллошукурова руҳий касаллар шифохонасида. У ёшлигидан меҳрибон қиз бўлиб ўсди. Атрофдаги ноҳақликларни ...