Асосий мавзулар
27 январ 2023

Шавкат Мирзиёев Қирғизистонга ташриф буюрди

Ўзбекистон президенти Шавкат Мирзиёев 26 январь куни рафиқаси билан бирга давлат ташрифи юзасидан Бишкек шаҳрига келди. Қайд этилишича, икки мамлакатнинг давлат байроқлари билан безатилган «Манас» халқаро аэропортида меҳмонларни Қирғизистон президенти Садир Жапаров ва унинг рафиқаси кутиб олди.

У ерда давлат раҳбарларига Ўзбекистон ва Қирғизистон халқлари ўртасидаги дўстликни акс эттирувчи мусиқий-фольклор чиқишлар намойиш этилди. Сўнг Ш.Мирзиёев Қирғизистон бош вазири А.Жапаров ҳамроҳлигида «Ата-Бейит» миллий тарихий-ёдгорлик мажмуасига ташриф буюрди. Давлат раҳбари 1916 йилги фожиали воқеаларнинг қурбонлари хотирасига бағишланган «Уркун» ёдгорлиги пойига гул қўйди.

Мажмуа 2000 йилда қирғиз давлатчилигининг энг муҳим босқичлари ҳақидаги тарихий хотирани тиклаш ва асраб-авайлаш мақсадида ташкил этилган. Қирғиз халқининг улуғ ёзувчиси Чингиз Айтматов таклифи билан ёдгорликка «Ата-Бейит» — «Оталар қабри» деган ном берилган.

Шунингдек, Ўзбекистон президентининг Қирғизистонга ташрифи арафасида икки давлат ўртасида Жалолобод вилоятида Қамбарота-1 ГЭС қурилиши бўйича инвестиция шартномаси имзоланди. Ҳужжатга кўра, қурилиш бўйича асосий уч томонлама битим бўйича келишув февраль ойида бўлиши кутилмоқда ва июль ойида имзоланиши мумкин.

Қамбарота ГЭС бўйича лойиҳа офисининг очилиши жорий йилнинг сентябрь ойида, техник-иқтисодий асосларни ишлаб чиқиш ишлари эса 2024 йил июль ойида бошланиши кутилмоқда. Лойиҳанинг аниқ миқдори ана шу техник-иқтисодий асослаш натижалари асосида аниқланади.

Бундан ташқари, давлат Раҳбари ташрифи арафасида 26 январь куни Бишкек шаҳрида Ўзбекистон-Қирғизстон бизнес-форуми бўлиб ўтди. Унда икки мамлакат ҳукуматлари аъзолари, тегишли вазирлик, идоралар, тармоқ бирлашмалари, ҳудудий маъмуриятлар раҳбарлари, ишбилармон доираларининг 350 дан ортиқ вакиллари иштирок этди. Таъкидланишича, икки давлат ўртасидаги товар айирбошлаш ҳажми 5 йилда 7 баробарга ошиб, 2022 йилда 1,2 миллиард долларни ташкил этди. Шу билан бирга, Ўзбекистон ва Қирғизистон иқтисодиётлари яқин келажакда 2 миллиард долларлик маррадан ошиш учун етарли салоҳиятга эга экани қайд этилди. 

Форумда 300,3 миллион долларлик инвестиция, 1,15 миллиард долларлик экспорт, 223 миллион долларлик импорт шартномалари имзоланди.

Тағин ўқинг
5 август 2020
Ўзбекистон президенти фармони билан диний соҳа вакилларига 150 миллиард сўм пул ажратилди. Фармонда айтилишича, бундан мақсад «диний соҳада хизмат ...
27 март 2019
Тарихчиларимиз ўтмиш қадриятларини мумкин қадар қадимийлаштиришни яхши кўриши сир эмас. Қадимийлик, минг йиллар ҳақидаги таъкидларни ўйламай, ҳеч бир фактсиз ...
13 сентябр 2021
Эри, қайнатаси ва қайноғаси қотилликда гумонланиб тергов қилинаётган, Қашқадарё вилояти Миришкор туманининг Чандир қишлоғида яшовчи Муножат Эгамова бунга уларнинг ...
29 январ 2021
Мана, яна сиз билан бетма-бет, юзма-юзман. Қаршингизда гапириб ўтирибман. Раҳматли катта бобом Латиф қори одамлар тўғри сўздан қўрқадиган замонда ...
Блоглар
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...