Ўзбекистон Россия тажовузига қарши резолюцияни қўллаб қувватламади

БМТ Бош Ассамблеяси БМТ ва Европа Кенгаши ўртасидаги ҳамкорлик тўғрисидаги резолюцияни қабул қилди. Бу резолюцияни қўллаб, Хитой, Арманистон, Бразилия, Қозоғистон ва бошқалар доҳил 122 давлат овоз берди. Резолюцияда Россия тажовузкор давлат сифатида қайд этилган. 

Ўзбекистон эса ҳар доимгидек, овоз беришдан тийилди. Аввалроқ Ўзбекистон БМТга аъзо етакчи давлатлар томонидан қўллаб қувватланган Украинага Россиянинг бостириб кириши тўғрисидаги резолюциясига ҳам овоз бермаган эди. 

Ўтган йилнинг мартида эса БМТга аъзо 193 давлатдан 141 таси Россиядан Украинадаги урушни тўхтатишни талаб қилди.

БМТ Бош ассамблеяси Россиянинг Украинага босқини қораланган ҳамда Москвадан ўз қуролли кучларини Украина ҳудудидан зудлик билан олиб чиқиб кетиш талаб қилинган резолюцияни маъқуллади. Ўшанда ҳам Ўзбекистон овоз беришга қатнашмаган эди.

Шунингдек Ўзбекистон Россиянинг БМТ инсон ҳуқуқлари Кенгашидан четлатилишига қарши овоз берган эди. Бундан ҳам анча илгари 2017 йилнинг ноябрида Ўзбекистон БМТнинг Қримга нисбатан 75 давлат томонидан қўллаб қувватлаган Россия сиёсатини қораловчи резолюцияси лойиҳасига қарши овоз берган эди.

@rassomtuz