Cатира
10 август 2018

Мурод Назаров: Биз 66 та ўрнига 40 дарахтни кесдик

Озодлик радиосининг мақоласига жавобан, 20 февраль куни “Murad Building” ширкати раҳбари, 35 ёшли Мурод Назаров ўзининг фейсбукдаги саҳифасида баёнот чоп қилди.

Бунга кўра, унинг ширкати Тошкент шаҳрининг Чилонзор мавзесида Priority Standart” МЧЖ дея номланган тағин бир ширкат билан ҳамкорликда қурилишларни амалга оширмоқда. «Шу қурилишлар муносабати билан 40 дарахт кесилган, Табиатни асраш қўмитасидан 182 дарахтнинг 66 тасини кесишга руҳсат олинган ».

Шундай қилиб, бугунги кунда Тошкентда дарахт чопаётган ширкатлардан ҳар ҳолда иккитасининг номи маълум бўлди. Бироқ асосий муаммо шаҳар аҳолисини ёз жазирамасидан асровчи бу дарахтларни кесишга рухсат берган Тошкент ҳокимлиги ва Табиатни асраш қўмитасига тегишлидир.

Мурод Назаров ўзини мамлакатнинг ишончли ватанпарвари экани, «фақат фаровонлик ва бахт яратувчиси» эканини таъкидлайди ва «ҳар бир кесилган дарахт учун кўп миқдорда товон тўлаш»ни ваъда қилади. Шунга қарамасдан, «омадли бизнесмен» энг асосий саволга жавоб бермайди. Нима учун унинг ширкати шаҳар учун зарур дарахтларни йўқ қилиб, айнан кўп йиллик чинорлар ўсаётган ерда қурилиш бошлашга қарор берди?

Турар жой қурилилишида ҳеч бир ёмонлик кўрмаётгани ҳақида изоҳ қолдирган собиқ амалдор Шерзод Қудратхўжаев эса чинорларни кесиш мавзусидан четга чиқиб, «айрим сайтлар»нинг буюртма бажараётгани ва объективликдан йироқ эканидан ёзғиради.

Бу гапларни унинг виждонига ҳавола қилиб, жамоатчилик фикри бутун мамлакатни қамраётган, оммавий дарахт кесиш эпидемиясини тўхтатишга ёрдам беришидан умидвор бўлиб қоламиз.

Абдужамил Дўстмуҳаммад
Тошкент шаҳри, 22 февраль 2016 йил
Eltuz.com

Тағин ўқинг
20 ноябр 2017
18 ноябрь куни Чеченистоннинг кремлпараст раҳбари Рамзан Қодиров ўзининг Инстаграм саҳифасида Ўзбекистон президенти Шавкат Мирзиёевнинг куёви Ойбек Турсунов билан ...
16 декабр 2016
Конституцияда президент фақат икки марта сайланиш ҳуқуқига эга экани белгиланганига қарамай, Ўзбекистоннинг марҳум раҳбари 25 йил давомида лавозимидан кетмай, ...
12 декабр 2019
Гулнора Каримованинг Лондонда яшаётган қизи Имон Каримова Instagram саҳифасида онаси устидан бораëтган терговга оид янги маълумотни эълон қилди. Унинг ёзишича, Гулнора ...
3 декабр 2023
Элтузнинг криминал янгиликлар бераëтганига қарши «мақола» нашр қилишибди. Грамматик хатоларга лиқ тўла аноним мақола! Ҳали Салим қамоққа олинишидан олдин ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...