Cатира
5 январ 2016

Янги рассомимиз Elsevar

Elsevar тахаллуси билан ижод қилишни маъқул кўрган бу рассом йигит 34 ëшда. Бухорода яшаб ижод қилади. Eltuzнинг штатли рассоми TUZ редакция топшириғи билан Бухорога йўл олиб янги ҳамкасби билан яқиндан танишиб қайтди.

Рассом TUZ: Машинамга ўтириб Намангандан Бухорога қараб йўлга чиқдим. Ҳазил учун машина ойнасига “Рассом TUZ сафарда” деб ëзиб қўйдим. Бу нарса йўлдаги патрул ҳодимларида ижобий таъсир кўрсатди. Дарров ходаларини кўтариб менга яшил чироқ ëқишди. Баъзи милиция ҳодимлари Eltuz нашридаги карикатураларимни кўрган экан, елкамга қоқиб “баракалла” деб ҳам қўйишди.

Ҳуллас янги йилнинг иккинчи куни Бухорога етиб бордим. Ҳаво 10 даража иссиқ. Қуëш нурида миноралар ярақлаб кўринади. Янги рассомимиз Elsevarнинг устахонаси туристлар билан гавжум эски шаҳарда экан. Рассом чизган миниатюра ва акварел этюдлари туристлар диққат марказида.

  • Тирикчиликдан нолимайман. Лекин ҳаëт фақат бир бурда нондан иборат эмаску. Шу боис Elsevar исми билан беозор карикатуралар чизишни маъқул кўрдим, дейди рассом.

Нега Elsevar деган тахаллус билан ижод қиласиз, деган саволимизга рассом мийиғида кулиб жавоб берди:

-Бу арзимас меҳнатим халқимиз равнақи, поклиги учун. Назаримда ўз маданиятини, халқини, ватанини севмасдан ўзгани, бошқаларни севиб бўлмайди. Ватанни севмоқ имондандир (ҳадис). Шунинг учун Elsevar деб имзо қўйдим расмларга.

Карикатура мен учун сўз ва ифода эркинлиги, ҳамда муаммоларга эътибор қаратиш воситаси. Лекин карикатура кўнгил очиш воситаси эмас. Ман Ўзбекистонни ривожланган жамиятлар қаторидан ўрин олишини истайман. Бир халқ бўлиб шаклланишга ҳалақит берадиган иллатлар – коррупция, гуруҳбозлик, жаҳолат, маънавий қашшоқликни ҳажв қиламан. Бу беозор ҳазилларим маъқул бўлса мамнун бўлардим, деди янги рассомимиз Elsevar.

Eltuz.com

Тағин ўқинг
7 апрел 2021
Сезган бўлсангиз, расмий истеъмолга Каримов давридан қолиб кетган «маънавият ва маърифат» мафкураси қайтди. Қайтиши ҳам муқаррар эди, чунки ислоҳотларни, ...
26 май 2021
26 май куни соат 11.00 атрофида 20 чоғли шаллақи эркак ва аёл Тошкентда Жаҳонгир Отажоновнинг «эркчи»лар учрашуви режаланган хонадонига ...
23 ноябр 2020
 “Элтуз” Ўзбекистондаги энг машҳур эротик блогер, Асалхоний тахаллуси билан танилган 30 ёшли Асал Хўжаева билан суҳбатлашди. Суҳбатдош интим блогерлик ва жинсий хизмат ...
28 июн 2023
Тошкентлик аёл Дилрабо Шерова акушер-гинеколог Диля Сатаевани 26 ҳафталик эгизак фарзандлари ўлимига сабаб бўлган эҳтиётсизликда айблади.     25 ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...