Конституцияни топташ билан бошланган Мирзиёев даври

Ўзбекистонда Конституция топталди – яна бир бор унинг арзимас қоғозлар таҳлами эканига ишора берилди. Айни ҳолатни акс эттирган рассом Адолат Eltuz.comга янги ҳажвий расмини жўнатди.

Шавкат Мирзиёев вақтинчалик президентлик лавозимига 8 сентябр кунги сенат мажлиси раиси Иноғом Йўлдошевнинг бундай мартабага ўзини лойиқ эмаслигини тан олганидан сўнг келди.

Конституциянинг 96-моддасида аниқ равшан ёзилган қоидага кўра, Ўзбекистон раҳбарлиги шу кунларда сенат раиси Ниғматилла Йўлдошев зиммасига ўтиши керак эди.

Ишга лаёқатсизлигини тан олган Йўлдошев Сенатни тарк этмагани каби, Мирзиёев ўрнига ҳам янги бош вазир тайинланмади.

Республиканинг олий мансабдорлари, мамлакат қонунини амалга ошириш ўрнига, ёзилмаган ўйин қоидалари билан ўйнашмоқда.

Рассом Адолат
Eltuz.com