Асосий мавзулар
19 декабр 2023

Бекобод тумани ҳокими ва Наманган вилоят замҳокимлари қамалди

Ўзбекистонда қама-қамалар давом этмоқда. Айни пайтда Тошкентнинг Бекобод тумани ҳокими ва Наманган вилояти замҳокимлари, шунингдек Фарғона вилояти солиқ идораси мулозимлари қамоққа олинган. Бундан аввал Элтуз собиқ Қишлоқ хўжалик вазири ва Бухоро туман собиқ ҳокими ва унинг икки мулозимининг қамалгани ҳақида хабар берган эди.  

Коррупцияга қарши курашиш тадбири доирасида бюджет пулларини ўзлаштирганликда айбланиб, Тошкент вилояти Бекобод тумани ҳокими Шуҳрат Мирзаев қўлга олинган. Бир пайтлар Шуҳрат Мирзаев собиқ қишлоқ хўжалиги вазири Азиз Воитовнинг муовини эди. Бундан аввал Элтуз Азиз Воитовнинг қамоққа олингани ҳақида хабар берган эди.

«У иқтисодий жиноятлар билан боғлиқ иш юзасидан тергов қилинмоқда». Азиз Воитов ишдан олиб ташланган президент администрациясининг сўнгги раҳбари Сардор Умурзоқовнинг энг яқин ҳамкори ва шериги сифатида танилган эди.

Айни пайтда Наманган вилоятида ҳам қама қамалари авжида.

Элтузнинг Намангандаги инсайдерларига кўра, Наманган вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари Саидаҳмад Султонов хавфсизлик хизмати томонидан қўлга олинган.

Айни пайтда Вилоят ҳокимининг жамоат ва диний ташкилотлар билан алоқалар бўйича ўринбосари Жамолиддин Алойиддинов ҳам ичкарига обкирилган.

Бундан аввал Элтуз Бухоро тумани ҳокими Хайрилло Жўраев ҳибсга олингани ҳақида хабар берган эди. Манбаларга кўра, у мансаб ваколатини суиистеъмол қилиш, мансабга совуққонлик билан қараш ҳамда ер бериш тартибини бузиш моддалари билан айбланмоқда.

Шунингдек Фарғона вилояти Солиқ бошқармаси бўлими бошлиғи ҳамда, катта инспектори Жиноят кодексининг солиқлар ёки йиғимларни тўлашдан бўйин товлаш ҳамда ҳокимият ёки мансаб ваколатини суиистеъмол қилиш моддалари бўйича гумонланувчи сифатида жалб қилиниб, ҳибсга олинган.

Шунингдек, Фарғона шаҳар солиқ инспекцияси сайёр солиқ текширувлари шўбаси бош инспектори ҳам пора олишда гумонланиб қамалган.

Элтуз Ўзбекистонда авж олаётган давлат амалдорларининг қамалиши билан боғлиқ жараёнларни ёритишда давом этади. Кўрсатувларимизни кузатиб боринг, видеоларимизга лайк босинг, каналимизга обуна бўлинг.

Тағин ўқинг
5 феврал 2016
Арамаис ва унинг шериклари устидан суд тугади. Ҳукмни кутиш қолди. Прокурор унга 18 йил сўради. 2015 йилнинг 4 сентябрида, ...
5 август 2022
Бугунги жума ваъзини қисқа янгиликллар билан бошласам. Фарғона нефтни қайта ишлаш заводида 2 август куни завод ишчиларидан бири бўлган ...
16 октябр 2023
Россия қўшни давлатлар, жумладан Ўзбекистон орқали санкцияларни четлаб ўтаётгани, Украинага қарши ишлатилётган қурол аслаҳаларда Ўзбекистонда ишлаб чиқарилган деталлар топилгани ...
22 октябр 2020
Пайшанба куни Қашқадарё вилоятида Enter Engineering компаниясининг ғалаён кўтарган ходимлари билан суҳбатлашган Ғузор тумани ҳокими Беҳзод Суюнов катта концерт ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...