Ўзбек имомлари пахта ташвиқотига жалб этилди

Баъзи имомлар, ҳаттоки, пахта териш ҳар бир мусулмон учун «вожиб амал» дея ҳукм чиқарган, шу билан бирга, Озодлик радиоси аксар масжидларда намозхонлардан пахта терими учун пул ҳам йиғилаётганини билдирди.

Айни ҳолатни Eltuz.com нашрининг учала рассоми – Туз, Адолат ва Элсевар биргаликда акс эттиради.

Рассом Адолатхоннинг салла ўраган қаҳрамони «юқори»нинг биргина ишорати билан «Пахта йиғим-терими ҳар бир муслик ва муслима учун фарздир…» деган янги ақидани такрорлайди.

Ўз навбатида мавзуни давом эттирган рассом Туз қаҳрамонлари имомнинг «Пахта терганлар жаннатга тушади!» деган даъватига жавобан «Дўзах азобини далада кўрганимиз учунми, домла?» дея юзланишади.

Ҳукумат ва маҳаллий дин пешволари халқни теримга даъват қилаётган бир пайтда Халқаро ташкилотлар Ўзбекистонда халқнинг оммавий пахтага сафарбар этилишини мажбурий меҳнат дея қоралаб келади.

Рассомлар: Туз, Адолат, Элсевар
Eltuz.com