МХХ фейк театри энг кўп томошабин тўплади

Аввалига ижтимоий тармоқда фейк аккаунтлар орқали тарқалган, Гулнора Каримованинг ўлгани ёки тириклигига оид хабарлар тезгина ўзини жиддий дея санаган cайтлар ва шахслар диққат марказига кўчди.

«Ўлди-ўлмади» қабилидаги айни баҳслар, Каримов ўлими атрофида ҳам шиддатли кечган. Ўшанда ҳам фейк аккаунтлар орқали тарқатилган ёлғон яшиқ гаплар айрим нуфузли сайтларнинг инсайдерларига айланган эди.

Гулноранинг заҳарланиб ўлгани ҳақидаги хабардан кейин кўп ўтмай бугун, 23 ноябр куни Би би си ўзбек хизматига интервью берган Гулноранинг ўғли Ислом онаси тирик эканини билдирди.

Ахборот олиш тобора қийинлашаётган Ўзбекистонда ҳатто одамлар ўлими ва ҳаётига оид гапларнинг ҳам махфий хизмат ўйини тарзида тарқалиши одатий тус олмоқда.

Рассом Туз
Eltuz.com