Мирзиëев Москвада ўзбек миллиардери билан кўришди

Ўзбекистон президенти Шавкат Мирзиëев 5 апрел куни Кремлдаги Ўзбекистон-Россия расмий делегациялари учрашувида Наманганда туғилган миллиардер Алишер Усмонов билан иссиқ кўришди.

Россия телеканаллари лавҳаларида Мирзиëев ва Усмоновнинг қўл сиқишиб кўришгани Путиннинг табассумли назари фонида акс этди.

Айтилишича, Ўзбекистон ва Россия ўртасида тузилган катта миқдордаги келишувлар асосида Усмонов ўзининг тарихий ватанига сармоя киритмоқчи.

Россия Бош вазири Дмитрий Медведовга қаср совға қилгани овоза бўлган Алишер Усмонов ўтган йили ўлган Ўзбекистон президенти Ислом Каримов даврида жуда ҳам исталавермаган шахс мақомида бўлган.

Расман тасдиқланмаган малумотларга кўра, Усмонов янги президент Мирзиëевни қўллаб қувватлаб келмоқда.

64 ёшли Алишер Усмонов Наманганнинг Чуст шаҳрида туғилган. Унинг отаси Бурхон Усмонов Совет даврида Тошкент шаҳар прокурори бўлиб ишлаган.

2012 йили Bloomberg нашри Алишер Усмонов сарватини 20 миллиард АҚШ доллари дея аниқлаб уни Россиянинг энг бой одами деб эълон қилган эди.

Eltuz.com