Cатира
29 апрел 2017

Жабборов Каримовни ясайдиган бўлди

Ислом Каримовга ёдгорлик танловида ўзбекистонлик ҳайкалтарош Илҳом Жаборов ғолиб чиқди.

Танловда турли мамлакатлардан жами 58 ҳайкалтарош қатнашиб, 68 ёдгорлик лойиҳасини тақдим этилган бўлса ҳам, Элтуз гаплашган тошкентлик мунаққидга кўра, конкурсдан анча олдин ўтган йилнинг октябр ойидаëқ Каримов ҳайкалини Илҳом Жабборов ясашига келишилган.

Мунаққид Акмал Ризаевга айтишича, конкурс хўжакўрсинга бўлган ва атайлаб заиф ҳайкалтарошлар қатнаштирилган.

Амир Темур ҳайкалини ясаган таниқли ҳайкалтарош Каримов билан ҳайкалтарошлик борасида баҳсга киришгани учун диктатор ғазабига дучор бўлганди.

Унинг устидан жиноий иш очилиб, мол мулки мусодара қилинган, ҳайкалтарош кейинги 6 йил мобайнида тоғларга чиқиб кетиб, бол етиштириб кун кўриб юрган.

Ислом Каримов ўлимидан сўнг Жабборов яна ижодга қайтди.

У билан олдиндан таниш бўлган янги президент Мирзиёевнинг сийловига нойил бўлди.

Давр айланиб, Жабборов Каримовнинг Ўзбекистонда ўрнатиладиган 3 та ҳайкали ва Москвадаги бюстини ясайдиган бўлди.

Бир вақтлар ҳайкалтарошни хонавайрон қилган президент диктаторни у қай алфозда ясамоқчи?

Жабборов яратган эскизда шалвираган костюм шим кийиб лапанглаб юрган чўтир юзли калласи катта пакана одам тасвирланган.

Шоир ва рассом ўз асарларида шахсий ҳиссиëтини акс эттиришига ишонган Рассом Туз ҳажвияси ажойиб ҳайкалтарош оқмўйлов Жабборовга бағишланади.

Рассом Туз
Eltuz.com

Тағин ўқинг
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим сал олдин. «Сенга гул ...
1 сентябр 2021
“Элтуз” таҳририяти фейсбук мессенжери орқали ваҳимали, айни пайтда хавотирли бир мурожаат олди. У ўзини “ИИВнинг халқаро аэропортларда хавфсизликни таъминловчи ...
20 сентябр 2019
2013 йилнинг 2 майида Термиздаги қурилиш фирмаси раҳбари бўлган 60 яшар Абдуғани Эрдонов ўз машинасида қурувчиларига овқат олиб кетмоқда ...
4 январ 2017
Ўзбек тили давлат мақоми олганидан 27 йил ўтиб ҳам, идора ва ширкат номлари рус тилида қолаётгани ажабланарли. Бундан ҳам ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...