Cатира
6 сентябр 2017

Ўзбек конвертацияси – олиш бору, бериш йўқ!

5 сентябрда Ўзбекистонда конвертация очилиши билан, ҳорижий валюта фақат конверсион карточкаларга ўтказиш орқали сотилиши маълум бўлди.

Гарчи расман Ўзбекистон ҳудудида долларда савдо қилинмасада, халқ бу иш билан 26 йилдан буён иноқ бир тарзда шуғулланиб келади.

“Масалан, ўзим яқинда (Абу Саҳий бозорида) бир ускуна нархини сўраганимда, сурбетлик билан нархини долларда айтишди. Сирғали запчасть бозорида ҳам шу ҳол. Нарх нега ошганини сўрасангиз, доллар қимматлаганини айтишади, муттасил ошиб бораётган юзминглик сўмларни санашдан кўра, деярли ҳеч қачон ўзгармайдиган долларда савдо қилишни афзал кўришади”, дейди Элтуз мухбирига изоҳ берган Сардор исмли фейсбук юзери.

Сўнгги икки кун ичида Ижтимоий тармоқда, банкларнинг нақд доллар сотмаслиги, валюта қора бозори гуллаб яшнашига олиб бориши ҳақида мунозара кучайди.

“Банкдан долларни факат карточкага тушириб беради. Накд долларни банк сотмайди. Квартира ёки уй, автомобиль, институтга болангга пора, ишга киришга пора, шифохонада операция учун докторга, прокурор ёки солиқчига пора ва шу каби кўп ишларга фақат нақд доллар керак. Шунинг учун доллар қора бозори Узб.да ҳеч қачон тўхтамайди”, дея ёзади Элтуз ўқувчиларидан бири.

Бахром Арипов исмли фейсбук юзери, банк валютани нақд сотиши керак, деган фикрда:”Шундагина адолат бўлади, аксинча бу қора бозорни ривожлантириш учун ўйлаб топилган бўлади. Картани нақдга айлантириш учун ҳорижга чиқиш керак, бу ҳам етмагандай нақдга айлантириш учун фоиз олишади”.

Оддий Ўзбекистонликка долларнинг нима кераги бор?

Ўзбекистонда нақд долларга заруратни Сардор Камилов исмли фейсбук юзери шундай изоҳлайди:

“Биринчидан, маҳаллий валютанинг муттасил қадрсизланиши, одамларни ҳорижий валютада пул йиғишга ундайди. Тўйга, машинага, муттасил нархи ошиб бораётган уй таъмирига.
Иккинчидан қариндошим таътилга чиқиб, ҳорижга кетса-ю, унинг молиявий муаммоси пайдо бўлса, унга картамни жўнатаманми??? Нималар деяпсиз?!
Учинчидан, ким сизга мулкни сўмга сотади? Бизда кира ҳақи ва риелтор хизмати ҳам шу тарзда тўланади, улар бамайлихотир ўз хизматлари учун доллар сўрашади.
Тўртинчидан, менга пулни нақдга айлантириш чоғи фоиз йўқотишнинг ҳеч бир қизиғи йўқ. Бу картадан мен устама фоиз кўрмайман, қолдиқ капитализацияси ҳам йўқ, юмшоқ қилиб айтганда банк томонидан пулларимнинг “ўғирланиши” бу.
Бешинчидан, дунёнинг ҳеч бир мамлакатида, биздаги каби пластикни зўровонлик билан тиқиштиришмайди.”

Рассом Туз
Eltuz.com

Тағин ўқинг
6 сентябр 2016
Синглим кичкина раҳбар. Тўғриси Ўзбекистонда порасиз, илми, маърифати ва одамгарчилиги туфайли тайинланган саноқли боғча мудираларидан. Кечаси иккида ҳокимликдан телефон ...
16 октябр 2017
Ўзбекистон президенти Шавкат Мирзиëев, Хива шаҳридаги «Ичан-қалъа» музей қўриқхонаси ҳудудидаги «Пахлавон Маҳмуд» зиëрат мажмуасига борганида, бу масканнинг таъмирланиши юзасидан ...
30 октябр 2017
Марҳум президент Ислом Каримов замонида жиноий жавобгарликка тортилган жуда кўп амалдорлар амалдаги давлат раҳбари даврига келиб юксак лавозимларга тайинланмоқда. ...
17 июл 2017
Ўзбекистондаги сиёсий партиялар раҳбарларидан бирортаси президент Шавкат Мирзиёевнинг сиёсий партиялар фаолияти танқидига қарши очиқ муносабат билдиришга журъат этгани йўқ. ...
Блоглар
9 апрел 2020
 МОСЁ ТЕСТ БИЛАН МУТОЛАА  (Давоми) «Соф санъат» Балки “Мосё Тест”нинг ўз тафаккури устидаги истибдодини битта ...
8 апрел 2020
2010 йил 7 апрель куни ўз қарорлари билан озиқ-овқат ва коммунал хизматлар учун нарх-навони мислсиз ...
7 апрел 2020
Коронавирус шароитида кўрпанинг қатидаги пуллар аста харж бўляпти. Камбағал уч-тўрт сўм пулини тахмонга йиғилган янги ...