Cатира
8 сентябр 2017

ТВнинг аслига қайтиши – атавизмми?

Ўтган ойда МТРКда рўй берган воқеалар Булгаковнинг “Ит юрак” қиссаси қаҳрамони профессор Преображенскийнинг машҳур гапини эслатади.

“Фан ҳали ҳайвонни одамга айлантириш йўлини билмайди. Кўраяпсизми, мен уриниб кўрдим, у гапира бошлади, лекин кўп ўтмай яна ибтидоий ҳолатига қайтди – атавизм!”

Алишер Хўжаевнинг рахбарликка қайтиши билан ЎзМТРКдаги ўзгаришлар, жонли эфирга чиқиш ҳаракатларига барҳам берилди.

Элтуз нашри ФБ саҳифасида изоҳ ёзган Равшан Турдиев ўзбек телевидениесини қуриган дараҳтган қиёслади:

“Ҳақиқий боғбон келиб, дорилаб, жонлатираётган эди. Куф-суфдан бўлдими, Оллохданми, қуриди. Боғбоннинг гапига қараганда, қурт тушган, “одам” бўлмас эмиш. Кесиб ташлаб, бошқасини экиш керак эмиш”.

Шу йилнинг феврал ойида президент Мирзиёев Алишер Хўжаевни ишдан олиши билан Миллий телерадиокомпанияда сезиларли ўзгаришлар бошланганди.

Аммо сўз эркинлигига ўрганмаган Ўзбекистондаги ҳокимият тизими мулозимлари жиддий ҳавотирга тушиб қолишди.

21 август куни МТРК журналистлари билан ўтказилган йиғилишда Бош вазир Абдулла Арипов Халқаро пресс клуб раҳбари Шерзод Қудратхўжаев олиб бораётган жонли кўрсатувларни танқид қилиб, уни “ҳаддидан ошиб кетганликда” айблади.

23 августда эса “Ўзбекистон” телеканалидаги “Муносабат” кўрсатуви ҳам жонли эфир сеткасидан олиб қўйилди.

Бу каби ўзгаришларни кадрлар алмашувида ҳам кўриш мумкин.

Аввалига Алишер Хўжаев ўрнига қўйилган Ҳуршид Мирзоҳидов ишдан ҳайдалди.

2 август куни эса Ҳуршид Мирзоҳидов ишдан олиниб унинг ўрнинг Бобур Алихонов раис бўлди.

Бир ой ўтар ўтмас, 29 август куни Бобур Алихонов ишдан олинди ва Алишер Хўжаев раисликка қўйилди.

Унинг ўрнинга бўлгани айтилган Хайрулло Нуриддиновнинг рахбарлиги бор-йўғи уч кун давом этди.

Шу билан халқ жонли эфирдан мосуво бўлди, ўз муаммоларини жамоатчиликка очиқ-ойдин етказиш имкониятидан маҳрум этилди.

Атавизм ҳолати юз берди – ОАВни эски қолипга солиш илинжидаги кучлар МТРКга қайтди.

Рассом Туз
Eltuz.com

Тағин ўқинг
20 январ 2016
Петербургда истиқомат қиладиган ўзбек муҳожирига кўра, бу икки фоҳишахонада асосан ўзбек қизлари ишлаган. Агар Питердаги ўзбеклардан Просвещения кўчаси 33 ...
28 декабр 2016
Диний идора 35 ёшлардаги, олий маълумотли, 2002 йили Тошкент Ислом институтининг илк битирувчиларидан бўлган Алимардон Эрназаровнинг нима учун ишдан ...
11 сентябр 2017
Ҳолливуднинг машҳур киноактери Стивен Сигал 9 сентябрда Тошкентда бўлиб ўтган Asian Fight 2017 Халқаро жанг турнирида қатнашмади. Шу куни ...
6 июн 2016
Ўтган ой Ўзбекистон телеканаллари “иш”ни 9 май- Хотира ва қадрлаш куни муносабати билан юртбошининг уруш фахрийларига кўрсатган “улкан эҳтироми ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...