Cатира
11 апрел 2018

ДХХ баëнотидан сўнг уч нафар диний мулозим ишдан олинди

ДХХ раиси Ихтиёр Абдуллаевнинг исломий таҳдид ҳақидаги баёнотидан сўнг, мустақил манбаларнинг «Элтуз»га хабар беришича, Мусулмонлар идораси котибияти бўлими мудири Улуғбек Султонов, бўлим ходими Мубашшир Аҳмад ва Тошкент шаҳридаги Дўмбиробод масжиди имом-хатиби Шермурод Тоғай бир кунда ишдан олинган.

Ўзбекистон мусулмонлари идорасига яқин шахснинг «Элтуз»га билдиришича, ҳар учала диний уламо «ўз жамоаларида фитна чиқаргани» учун ишдан ҳайдалишган.

Шунингдек, «Элтуз» юқоридаги шахслар қаламига мансуб айрим мақолалар улар ишдан ҳайдалиши билан диний сайтлар саҳифасидан ғойиб бўлганини аниқлади.

Масалан, Давлат хавфсизлик хизмати (ДХХ) раиси Ихтиёр Абдуллаевнинг Ўзбекистонга хавф солаётган исломий таҳдид ҳақидаги нутқидан сўнг Мубашшир Аҳмаднинг «Мен Ихтиёр Абдуллаевга ишонаман!» сарлавҳали мақоласи сайтлардан сирли ғойиб бўлди.

Фейсбук тармоғида фаоллиги билан ажралиб турган, президентни улуғлаган, ўзбек хонандаларини ҳаёсизликда айблаб қоралаган имом Шермурод Тоғайнинг ҳам сўнгги воқеалар юзасидан изоҳлари кузатилмаяпти.

Имом Шермурод Тоғай ҳатто унинг чиқишларини танқид қилиб келган «Озодлик» радиоси журналистларини жасоратли дея мақтаган, шунингдек, 2 март куни уламоларнинг фикр эркинлигини чеклаган диний идора раҳбарияти истеъфосини талаб қилганди.

Шермурод Тоғай диний экcтремистларга оғир жазо берилишини ошкора талаб қилган имомлардан биридир.

«Биз фикр берамиз, фатвони муфтий чиқаради», деган эди Шермурод Тоғай ўзининг тармоқдаги шахсий фикрлари ҳақида.

Унинг фейсбук ижтимоий тармоғидаги машҳур саҳифаси 11 апрель куни юзерлар учун ёпиқлигича қолди.

Рассом Туз
Eltuz.com

Тағин ўқинг
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим сал олдин. «Сенга гул ...
15 март 2022
Ўзбекистон калимасини тарихга киргизиб, бу давлатнинг илк раҳбари бўлган Хўжаев сиймосини тарихдан ўчиришга уриниш кейинги йилларда изчил тус олгани ...
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...