Cатира
30 апрел 2018

Мирзиёев “Истиқлол”ни қайтадан “Халқлар дўстлиги”га айлантирди

Президент Мирзиёев 26 апрель кунги йиғилишида Тошкент марказидаги “Истиқлол” санъат саройи ва метро бекатига “Халқлар дўстлиги” номини қайтариш қарорини билдирди.

Президент, шунингдек, урушда эвакуация қилинган болаларни асраб олган Шомаҳмудовлар оиласига ўрнатилган совет ёдгорлигини ҳам жойига кўчирди.

Таҳлилчи Анвар Назир бу воқеа юзадан фикр билдириб, “Истиқлол” номи бугунга келиб олиб ташланишининг рамзий аҳамияти ҳақида гапирди.

“Ўзбекистоннинг иккинчи президенти осонгина, ҳаттоки расмий изоҳ келтирмай, “Истиқлол” сўзини советча, мафкуравий атамага, «Халқлар дўстлигига» алмаштирмоқда”, дея ёзди у фейсбукда қолдирган изоҳида.

У, шунингдек, шу истиқлол туфайли Шавкат Мирзиёевнинг БМТ аъзоси бўлган мустақил бир мамлакатнинг раҳбари бўлгани, дунёнинг энг нуфузли минбарларидан туриб дунё олдида маърузалар қилаётгани, дунё мамлакатлари раҳбарлари билан тенгма-тенг музокаралар олиб бораётганини мисол келтиради.

“Ўзбекистон истаган ҳукумати, истаган иқтисодий сиёсатини ўзи танлаши мумкин. У ўзининг етарли ҳарбий кучларига, армиясига эга. Наҳотки шуларнинг ҳаммаси, барча имтиёзлар Шавкат Мирзиёевга оғирлик қилаётган бўлса? Ёки орзу бошқа нарсадами, бошқа раҳбарга бўйсуниб ишлашми? Ишониш қийин…”, дея ҳасрат қилади Анвар Назир.

Рассом Туз “Истиқлол” номини тарих ахлатига улоқтираётган президент расмини чизди.

Рассом Туз
Eltuz.com

Тағин ўқинг
11 октябр 2018
Москванинг Тверь тумани суди 24 октябрда Ислом Каримовнинг биринчи хотинидан бўлган ўғли 52 яшар Пётр Каримовнинг “Ўзбекистон ҳаво йўллари” ...
25 ноябр 2016
Сўнгги кунларда Ўзбекистон президентлигига номзодлар вилоятларга сайр қилиб, сайловчилар билан учрашувларни авж олдириб юборди. Бу учрашувларда эса улар қўлидан ...
2 август 2018
Албатта, бу Туз деган рассомнинг хаëл маҳсули, холос. Аслида ўзбекистонлик ҳожиларнинг шайтонга тош отгани мана бундай кечди. Шу йил ...
17 сентябр 2016
Шавкат Мирзиёев муваққат президентликка тайинланиши ортидан криминал доиралар тағин ҳокимиятга қайтиб кела бошлашди. Ҳукуматдаги бир қанча мулозимлар ишдан бўшатилди, ...
Блоглар
26 июн 2019
Ниҳоят 23 июнь куни Истанбул шаҳри ҳокимлиги учун қайта сайлов бўлиб ўтди. Истанбул шаҳри ҳокимлиги ...
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...