Бекободлик банги президентдан наша ўстиришга рухсат сўради

Бекободлик нашаванднинг «қийналиб етиштирган наша ўсимлиги»ни ИИБ ходимлари олиб қўйишгани ҳақидаги президент қабулхонасига 2019 йил 5 январда жўнатилган шикояти нусхаси «Элтуз»га етиб келди.

Шерали исмли шахснинг президентга ёзишича, у аввал «героин истеъмол қилгани учун икки марта қамалиб чиққан», бироқ «ҳозир героин истеъмол қилишни ташлаб, наша истеъмол қилишга» ўтган ва ҳеч қаерда наша топа олмагани учун уйида ўзи учун наша ўстира бошлаган.

«Уйимга прокуратура ва ИИБ ходимлари келиб, қийналиб етиштирган нашаларимнинг ҳаммасини узиб олиб кетишди. Менинг уйларимни шунчалик текширишга нима ҳақлари бор? Мен олди-сотди қилаётганим йўқ-ку. Илтимос, уйимда ўзим фойдаланишим учун ўстираётган наша ўсимлигини нима сабабдан узиб олиб кетишганларини тушунтириб беришларини ва менинг тинчлигимни таъминлаб беришларини сўрайман», дея арз қилади бекободлик Шерали президентга.

Рассом Туз
Eltuz.com