ART-DURBIN
26 июн 2017

Афсонавий киночи Рустам Ҳамдамовнинг “Тубсиз қоп” фильми Москвада тақдим қилинди

39 инчи Халқаро Москва кинофестивали танловида Россияни тамсил қилган уч асосий кинодан бирини Тошкентда туғилган рассом ва режиссер Рустам Ҳамдамов тақдим қилди.

Киночининг “Тубсиз қоп” фильми мунаққидлар таҳминича, конкурс ғолиби бўлиши мумкин.

Кинофестивальнинг асосий воқеаси сифатида кўрилган “Тубсиз қоп” фильми 74 яшар Рустам Ҳамдамовнинг сўнгги беш йиллик меҳнат самарасидир.

Таниқли актриса Светлана Немоляева иштирокидаги бу фильм XIII асрда рус шаҳзодасининг сирли ўлими тергови ҳақида.

Кино персонажи ровий хоним княз ҳузурида шаҳзоданинг ўлими ҳақидаги эртакни айтиб беради.

Қотиллик версиялари ҳудди таги тешик қопдан тўкилгандек йўқ бўлади. Чунки гувоҳлар доимгидек ëлғон сўзлайдилар.

Антонионига хос мажоз

Бундан олдин Италияда ўтаётган 67 халқаро Венеция кинофестивалида Москвада ижод қиладиган таниқли ўзбек киночиси Рустам Ҳамдамов ўзининг “Жавоҳирлар” номли филми билан иштирок этган эди.

Ўзбек режиссёри суратга олган филм ўтган асрнинг 20 йилларида яшаган балет усталари ҳақидаги эртак, дея тақдим қилинган.

Филмдаги асосий иккита рол – оқ аëл ва қора аëл ролини Диана Вишнева ва Рената Литвиновалар ижро қилишган.

Вишнева ижросидаги балерина икки ҳолатда акс эттирилади. Бир ҳолатда магазиндан жавоҳир ўғирлайди, иккинчи ҳолатда саҳнада Людвиг Минкуснинг “Баядерки” асари учинчи актида рақсга тушади.

Рустам Ҳамдамовнинг бу асари мавҳумлик ва реалликнинг олтин ўртасидаги эртак сифатида тақдим қилинди.

Мунаққидлар назарида Ҳамдамов филми Микеланджело Антониони суратга олган “Қизил шар” Алена Рененинг “Ўтган ëз Мариенбадда” филмларидаги ишорат ва мажозни эслатади.

Бундан 15 йил олдин Рустам Ҳамдамов бош ролда Рената Литвинова суратга тушган “Вокал параллеллар” филмини Венеция фестивалида намойиш қилган эди.

Рассом ва киночи

Фавқуллода истеъдод соҳиби Рустам Ҳамдамов 1944 йили Тошкентда туғилди.

ВГИКга ўқишга кириб таниқли киночи Георгий Чухрай қўлида тахсил олди.

Рустам Ҳамдамовнинг рассом сифатида яратган асарлари Эрмитаж музейига сотиб олинган.

Эрмитаж ўз қоидаларига истисно ўлароқ, илк марта 2003 йилда рассом Рустам Ҳамдамов асарларини ҳали у тириклигидаëқ сотиб олди.

Акмал Ризаев
Ўзбекистонлик муаллиф таҳаллуси
Eltuz.com

Тағин ўқинг
28 феврал 2017
Ўзбекистон халқ шоири Жамол Камол Тошкент Халқаро аэропортига Каримов номини бериш ҳақидаги президент қарорига эътироз билдириб Мирзиёевга мактуб ёзди. ...
28 июл 2017
Прокуратуранинг Ўзбекистон ҳукуматига қайтарилиши кераклиги иддао қилинган Гулнора Каримова мулклари рўйҳатида дунёнинг бир қанча йирик мамлакатларидаги кўчмас мулклари, пул ...
13 феврал 2017
Алоқа ходимларининг айтишича, пенсионерлар бу борада почталарга Ўзбекистон Республикаси Президенти қарори эълон қилинган куннинг эртасигаёқ мурожаат эта бошлашган. Улар ...
29 май 2018
Бир неча ўзбек фаоллари 23 май куни Швейцария ҳукуматига Ўзбекистоннинг собиқ президенти Ислом Каримовнинг қизига тегишли активларни қайтариш учун ...
Блоглар
20 январ 2020
Ўзбекистонда Олий Мажлис Сенатига сайланганларнинг аксарияти, тўғрироқ айтганда, асосий ролдагилар яна ўша эски амалдорларнинг ўзларидир. ...
16 январ 2020
Ўзбекистон адлия вазири Русланбек Давлетов шу йилнинг 10 январь куни “Эрк” демократик партияси бош котиби ...
9 январ 2020
Евро-Осиё Иқтисодий Иттифоқига кириш-кирмаслик масаласи бўйича Ўзбекистонда бошланган қизғин муҳокамалардан четда тура олмаяпман. Виждоним йўл ...