Асосий мавзулар
19 май 2018

Ўқувчилар манглайига «2» қўйган педагогларга чора кўрилди

Тошкент вилоятининг Бекобод шаҳрида бошланғич синф ўқувчилари манглайига ручка билан «2» қўйган ўқитувчилар иши прокуратурага оширилди. Тошкент вилояти халқ таълими бошқармаси йиғилишида 8 киши ишдан олинди, 5 кишига ҳайфсан берилди.

Тошкент вилояти халқ таълими бошқармаси бошлиғи Шукур Бурхонов «Давр» телеканалига интервьюсида бу ҳолатни ёритган журналистлардан миннатдорлигини билдирди.

«Чунки бу мақолалар сайтларда эълон қилинмаганида болаларимиз янада қийналган бўлардилар», деди у.

Воқеалар 11 май куни пешанасига «икки» рақами ёзилган» ўқувчиларнинг расмлари ижтимоий тармоқда пайдо бўлиши билан бошланди.

Инстаграм, телеграм, фейсбук саҳифаларида кўчириб босилган расмларни ўн мингдан зиёд юзер томоша қилди ва изоҳлади.

«Давр» телеканали журналисти Лобар Пўлатованинг ўрганишича, Бекобод шаҳридаги 5-умумтаълим мактаби ўқитувчиси Муборак Ҳамдамова шеър ёдламагани учун жазо тариқасида 1-ж синфининг тўрт ўқувчиси пешонасига 2 рақамини ёзган.

Бекобод шаҳридаги 5-мактаб психологи Хосият Омонова ТВга берган интервьюсида Муборак Ҳамдамованинг айбига иқрор бўлгани, бироқ аслида бу расмларни унинг ҳамкасби Саодат Раҳмонова суратга олиб тармоққа жойлаш билан яна бир жиноятга йўл қўйганини айтади.

«Болаларни лавашга олиб бораман, деб алдаб расмга тушириб, кейин ўчириб ташлаган ёзувни», дейди мактаб психологи.

Пешанасига «2» қўйилган ўқувчилар расмини тарқатган муаллима бу ҳаракатига ота-оналардан бирининг бу ҳақдаги шикоятини шаҳар халқ таълими бўлими кўриб чиқмагани мажбурлаганини билдиради:

«Тўртта боланинг пешонасига ручка билан «икки» қўйган. Биринчи марта қўйганида бола уялганидан ўчириб ташлаган. Иккинчи марта мажбурлаб, қалин қилиб қўйган. У уйига шундай қилиб йиғлаб кетди. Кейин унинг ота-онаси шаҳар халқ таълими бўлимига арз қилиб борди. Шаҳар халқ таълими бўлими кўриб чиқмади унинг арзини. Вақти бўлмади уларнинг. Боланинг отаси «келинг, ижтимоий тармоққа чиқарамиз, ёрдам қилинг менинг боламга, расмга олинг мени боламни» деди. Мажбур бўлдим бу ишни қилишга», дейди у.

Ўзбекистонда ота-оналар таълим мутасаддиларига таъсир ўтказишда ижтимоий тармоқлардан илк бор фойдаланишаётгани йўқ.

Масалан, шу йилнинг мартида коллеж ўқувчисини кавуш билан уриб жазолаган урганчлик ўқитувчи, шунингдек болаларни дафтар билан урган жиззахлик боғча тарбиячиси видеолари тарқалганди.

Ўтган йилнинг мартида эса ўқув қуроли билан бошланғич синф ўқувчиларини урган фарғоналик ўқитувчи, шунингдек, сурхондарёлик «тарбиячи аёл»нинг ёш болаларга пичоқ ўқталиб таҳдид солгани видеолари тарқалганди.

Расмийлар томонидан юқоридаги барча ҳолатларда ҳуқуқбузар педагогларга нисбатан чора кўрилгани айтилади.

Eltuz.com

Тағин ўқинг
7 июл 2016
«Ўзбекистон овози» газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан ...
29 ноябр 2021
Тармоқларда яланғоч видеоси тарқалгани ортидан Тошкент вилояти Ўртачирчиқ тумани ҳокимлиги биносида 3 декабрь куни бўладиган йиғилишда 43 ёшли депутат ...
23 май 2016
Ҳаво исиши билан сиқилган газнинг биржадаги нархи арзонлади, бироқ бу нархларнинг ахолига даҳли йўқ. Сўнгги ойларда биржа бозорида сиқилган ...
28 апрел 2021
Давлат солиқ қўмитаси ва унинг таркибий бўлинмалари ходимлари бирлашган касаба уюшмаси Олий Мажлис Қонунчилик палатаси депутати Расул Кушербоевни судга ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...