Ўзбек карикатурачиси «Озодлик»ни мол танасидан қурт тераётган қушга ўхшатди

Таниқли ўзбек карикатурачиси Маҳмуд Эшонқулов Туркияда ўтган «Сув – ҳаёт» халқаро танлови совриндори бўлди.

22 май куни «Элтуз» мухбирига интервью берган Эшонқулов танлов ғолиби сифатида Туркиянинг Амасия шаҳрига таклиф қилишганини билдирди.

«Биз сатира рассомлари сифатида иллатларни фош қиламиз. Афсуски, бизни кўп ҳам тушунаверишмайди, кўпчиликда юмор ҳисси йўқолиб кетяпти», деди Эшонқулов «Элтуз» билан суҳбатида.

У яқинда чизган расмида дунёни сигир, «Озодлик» радиоси журналистларини эса унинг елкасидаги паразитларни чўқиб йўқ қилаётган қушлар рамзида акс эттирди.

«Уларнинг мақсади шу – демократия! Халқ яхши яшаши керак, озод яшаши керак. Мен шундай тасаввур қилдим», дейди Эшонқулов ўз расмига изоҳ бера туриб.

Маҳмуд Эшонқулов Умумжаҳон карикатурачи рассомлари уюшмаси (UWC) аъзосидир. 2017 йили Ҳиндистонда ўтган сиёсий карикатуралар танловида ҳам у биринчи ўринни эгаллаган эди.

Eltuz.com