Асосий мавзулар
22 июн 2018

Баҳодир Файз: Туркия Эрдўғондан қутулиши керак

Туркияда 24 июнь куни президент сайлови ўтади. Унда президентликка иқтидордаги Эрдўғондан ташқари Жумҳурият халқ партияси (ЖХП)дан Муҳаррам Инжа ва “Яхши партия”дан Марол Оқшанар номзоди илгари сурилмоқда.

“Элтуз”га интервью берган социолог Баҳодир Файз бу йилги сайловнинг мамлакат тарихида бурилиш ясаши мумкин бўлган муҳим жараён эканини айтади.

“Олдинги сайловларда ким ғолиб келишини тахмин қилиш мумкин эди. Эрдўғоннинг тарафдорлари кўп эди, мухолифат кучсиз эди. Лекин бу сафарги сайлов энг қийин ва олдиндан тахмин қилиниши ҳам қийин”, дейди бугунги кунда АҚШда яшаётган, Туркия сиёсатини ичдан билувчи Баҳодир Файз.

Агар Эрдўғон якшанба кунги сайловда 50 фоиздан кўп овоз олса, босқични ютган бўлади, аксинча унинг иқтидорда қолиши қийинлашади. Чунки Туркияда демократик кайфиятдаги партиялар популист Эрдўғонга қарши бирлаша бошлаган.

“Шу боис, Эрдўғон сайловни биринчи босқичда ютишга астойдил интилади. Чунки бу унинг учун ҳам, қолган икки номзодни қўллаётган партиялар учун ҳам том маънода ҳаёт-мамот курашидир”, дейди Баҳодир Файз.

Агар Эрдўғон ғалаба қозонадиган бўлса, 2017 йилнинг 16 апрелида ўтган референдумда конституцияга киритилган ўзгартишлар кучга киради ва Эрдўғоннинг ваколатлари кенгайтирилади.

Сўнгги йилларда Туркияда Эрдўғон диктатурасига қарши чиқувчилар нисбатан кўпаймоқда, бироқ ижтимоий тармоқдаги ўзбек сегментида уни қўлловчилар кўпроқ.

“Бунинг сабабларидан бири – ўзбек зеҳниятидаги диний феноменнинг юқорилиги. Иккинчи бир сабаби – Эрдўғондаги популизм. Туркиядаги озодлик, эркинлик муҳим эмас бизнинг ўзбекистонликлар учун. Уларга демократик линиядаги лидерлардан кўра иймонли бир диктаторни танлаш кўпроқ маъқул келади”, дейди Баҳодир Файз.

Eltuz.com

Тағин ўқинг
2 июн 2019
Россия истилочилари томонидан Самарқанд босиб олингач, 1868 йилги энг қонли жанглар Зирабулоқ тепалигини сақлаб қолиш учун бўлди. Бироқ Россиянинг замонавий ...
23 январ 2018
World Politics Review онлайн журналида муаллиф кўплаб шарҳловчилар “ўзбек илиқлиги” дея атаётган сўнгги воқеалар таҳлили ҳақида мақола эълон қилди. ...
18 январ 2019
Турк ëзувчиси Азиз Несин ва рус ëзувчиси Антон Чеховга тақлидан ва бўлган воқеага асосланиб ëзилган “ҳикоя” Бу ҳикоя яна ...
8 ноябр 2015
Навоийлик ногирон ва икки фарзандини ёлғиз тарбиялаётган Боймуродова Дилдора пенсионерлар ҳақини талаб қилиб норозилик акциясида қатнашгани учун жазога тортилди. ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...