Асосий мавзулар
16 май 2019

Олий суд Бобожоновларнинг уйларини мусодара қилиш қарорини бекор қилди

Ўзбекистон Олий судининг фуқаролик ишлари бўйича судлов ҳайъати 16 май куни журналист Бобожоновларнинг уйларини мусодара қилиш ҳақидаги олдинги суд қарорларини бекор қилди.

Ўзбекистон Олий суди судлов ҳайъати таркибидаги уч нафар судья – Акмал Муродов, Наргиза Маҳкамова ва Муҳаббат Раббиева журналистлар фойдасига қарор чиқарди ва бир йилдан ортиқ чўзилган жараёнга якун ясади.

«Бу ҳақда ҳозирча телефонда оғзаки билдиришди. Қарор почта орқали келади», деди журналистларни ҳимоя қилган «Симай» адвокатлик бюроси адвокати Умид Давлетов «Элтуз» мухбирига.

Видео: https://youtu.be/1P0gGp8vRPg

Германиядан сиëсий қочқин мақомини олган журналист Шухрат Бобожонов ўзи ва укаларининг уйлари тортиб олингани юзасидан ташвиш билдириб, сал илгари Германия Ташқи ишлар вазирлигига мактуб ëзган эди.

Бир йилдан ортиқ давом этган суд жараёнлари ҳақида «Элтуз» туркум мақолалар чоп қилган.

2018 йилнинг бошида Урганч тумани суди журналист Шуҳрат, Қудрат, Ғайрат Бобожоновларнинг уйларини мусодара қилиш ҳақида қарор чиқарган. Бу қарорни чиқарган судья Ўткир Машариповнинг ўзи кейин апелляция шикоятини кўриб чиқиб, уни ўз кучида қолдирган. Кейинги инстанцияда 1 февраль куни Олий суд судьяси Жамшид Тиркашев журналистлар аризасини рад қилиб ажрим чиқарган. Ажрим юзасидан журналистлар назорат тартибида Олий судга шикоят қилишган эди.

«Суд ниҳоят арзимизни эшитгани ва бизнинг фойдамизга қарор чиқарганидан жуда ҳурсандман. Узоқ давом этган бу жараён ўзбек судига мурожаат қилиб адолатга эришиш мумкинлигини намойиш қилди», деди Ғайрат Бобожонов «Элтуз» мухбири билан суҳбатда.

Eltuz.com

Тағин ўқинг
8 сентябр 2017
Ўтган ойда МТРКда рўй берган воқеалар Булгаковнинг «Ит юрак» қиссаси қаҳрамони профессор Преображенскийнинг машҳур гапини эслатади. «Фан ҳали ҳайвонни ...
20 январ 2021
Шариат тақиқлагани боис қўшиқчиликни тарк қилган Жаҳонгир Отажонов жорий йил Ўзбекистонда бўлиб ўтадиган президентлик сайловларига ўз номзодини қўйишини маълум ...
10 октябр 2019
Бугун республикада матбуот хизматларига эътибор қаратилмоқда, урра, урра билан президент қарори асосида барча шаҳар, туман ташкилотларида, ҳокимликларида янгидан ахборот ...
10 апрел 2016
Ўзбекистон дорихоналарда сотиладиган дори-дармонларнинг анчагина қисми ноқонуний йўллар билан олиб кирилиши ёки қалбаки экани тўғрисида кўп айтилади. «Диёнат» газетаси ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...