Асосий мавзулар
27 июн 2019

Юлдуз Усмонова Гулнора Каримова қайтишига қарши чиқди

Юлдуз Усмонова 27 июнь куни ютуб каналига қўйган янги видеомурожаатида «Гулнора Каримовани соғиндик» дея ижтимоий тармоқда акция бошлаган санъаткорларни қоралади.

«Қаттиқ соғиниб, юраклари эзилиб кетибди Гулнорани соғинишиб, «Биз соғиндик, қачон чиқасиз?» деб. Чиқади бошингларга бало бўлиб…», дея киноя қилади ўз ҳамкасбларини Юлдуз Усмонова видеомурожаатида.

Юлдуз Усмонова бу сафарги чиқишида 2016 йили ўлган президент Ислом Каримовнинг тўнғич қизини ўғри деб атади ва у ўзбек халқидан ўғирланган бир миллиард долларни ташқарига олиб чиқиб кетганини писанда қилди.

«Нима учун бу пулни сўрамаслигимиз керак? Сўраймиз! Бу пул халқники, сизнинг ёки менинг шахсий пулимиз эмас бу пул. Мен халқнинг пули халққа қайтиши тарафдориман. Мен қайси ўғрини соғинишим керак? У ўғри-ю», деди қўшиқчи Гулнора Каримова ҳақида.

Шунингдек, Юлдуз Усмонова уни бошқа артистлардан кўпроқ билишини иддао қилиб, президентнинг қизи тадбирларида мажбур ва текин ишлаб бергани ҳақида гапирди.

«Соат иккидаям, учдаям турғазиб қўйиб, «ночнушка»да кетиб, ашула айтмагансизлар-у. Мен айтганман, биламан. Бормасанг – запрет, бошингга бир куволда тушади. Бормасанг калтак ейсан, борсанг пулингни олмай қайтасан. Ҳозир пул ишлаяпмиз-ку, ўртоқлар», деди Усмонова.

Ёш санъаткорларнинг бундай чиқиши уларнинг обрўсини тўкишини билдираркан, Усмонова: «Агар номларингни битта-битта айтсам, халқ битта-битта тупурса, лаънатнинг ичида қолиб кетасизлар!» деди.

Бундан аввалги, 2016 йилнинг сентябридаги видеомурожаатида Юлдуз Усмонова «Ислом Каримовнинг жанозасига дунё ҳавас қилгани», “Юртбоши ўлгани билан қурилган тизим ўлгани йўқ!” деган гапларни айтиб, ўзи маломатга қолган эди.

Видео: https://youtu.be/IwoTN_IgJRY

Eltuz.com

Тағин ўқинг
1 сентябр 2016
Ўзбекистондаги жорий қоидага кўра, Тошкент ҳукумати амалдорлари ва президент учун аталган байрам бир кун бурун нишонланади, ундан ҳам илгари ...
17 декабр 2019
«Хуллас, шу кундан бошлаб “кирпичка”нинг мастери Эркин қора мени промкадаги энг оғир ишга, яъни ичкарисида ҳаво даражаси 70-80° даражагача ...
30 март 2022
Коррупцияга қарши курашиш агентлиги ҳузурида тузилганига бир йилдан сал кўпроқ вақт бўлган Жамоатчилик кенгаши ими-жимида тугатиб юборилгани ҳатто унинг ...
17 январ 2020
Биров бир нима деса, дарров лаққа тушма. Кишининг гапига қулоқ сол, аммо билганингдан қолма. Етти ўлчаб бир кес. Бу ...
Блоглар
26 август 2022
30 йилдирки саргардонликда, аввал Норвегияда кейин Туркияда яшаётган Муҳаммад Солиҳ янги куллиёти – асарлар тўплами ...
15 август 2022
Таниқли сиёсат арбоби ва шоир Мухаммад Солиҳ суҳбатининг давомида севимли аёли Ойдин хоним билан кечирган ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...