Кўзқараш
30 март 2020

Алкашлар ҳам ниқоб тақаяпди…

Туман марказига бориб келдим. Ишим бор эди. Қалампир ва помидор кўчатлар сотяпти экан. «Помидор кўчати етти донаси минг сўм», деди сотувчи аёл. «Яхши», дедим. Кейинроқ оларман.

Картошканинг килосини тўрт мингдан сотишяпти. Помидор ўн уч минг экан. Сузманинг бир килосини саккиз мингга олдим. Барра саримсоқпиёз қимматроқ. Қари молнинг гўштини сотишяпти экан. «45 минг» деб ёзиб қўйишибди.

Банкка кираётганда пешонангизга тепловизор тираб, кафтингизга антисептик сепишяпти. Банкка кирмадим. Узоқдан кўрдим.

Туман марказида оломон ҳар доимгидек кўп. Ҳамма бетининг ярмини беркитиб олган. Қоп кўтариб, сассиқ ариқчалар, дўконлар атрофида бакалашка йиғиб юрадиган, бети ва болдирларини яра босган дайдилар ҳам чеҳрасига маска тақиб олибди. Алкашлар ҳам ниқоб тақишни ўрганибди. Фақат улар ниқобни иягига тақиб сигарет тутатиб ўтиришибди.

«Уйда қолинг!» дейиляпти. Лекин кўча тўла одам. Кўчада хотинлар кўп.

Чўнтагимга одеколон солвогандим. Йўл-йўлакай қўлимни, қайтим пулларни дезинфекция қилиб юрдим.

Дамас шўпирдан: «Мошиналарингни ҳар куни дори сепиб тозалаяпсизларми?» деб сўрадим. «Бошида дориладик бир-икки кун.
Ҳозир йўқ», деди. «Эҳтиёт бўлинг!» дедим.

Бизда қуёш чиқди. Осмонда юпқароқ оқ булут ҳам кўринади. Шовла пиширсаммикан. Ўрик қоқи ва ловия ҳам қўшардим. Томорқамда картошка униб чиқди. Чопиқ қилиш керак. Олма гуллариям қизаришни бошлади. Узумток нишини кўрсатди. Далага ялпиз тергани борсаммикан. Чучвара тугардик. Қоқигулни чойга дамлаб ичса бўлади. Пандемия ҳам тугаб қолар. Қўлимни кўп ювяпман, сартарошнинг қўлидек нозиклашиб қолди. Кўчада қаёққа қарашниям билмайсан, ҳамма қиз-аёлларнинг бети берк. Азалдан занжабил чой ичаман. Уч-тўрт кунда помидор ва болгарский кўчатлар арзонлашади. Душманларимга ҳам коронавирус юқмасин. Лекин панос бўлса, майли. Зарар қилмайди. Каллагўштиниям мавсуми охирлади. Сумалак совуқлигимни ошириб юборди. Ёстиққа қапишиб роса ухладим.

Инсон – она замин танасига санчилган тикан.

Раҳимжон Раҳмат

муаллифнинг фейсбукдаги саҳифасидан

Тағин ўқинг
25 ноябр 2020
Хоразмда келинга бокира эмас, деган айб қўйиб, уни видеога олган, шаънини топтаб сазойи қилган куёвнинг қариндош-уруғлари устидан Хоразм вилояти ...
24 феврал 2016
Клептократия ҳукмрон Ўзбекистонда бугунги кунда қоғозбозлик амалдорларининг оддий иш йўсинига айланган. Оддий одамлар у ёқда турсин, Eltuz.com яқинда эълон ...
7 ноябр 2017
2017 йилнинг 3 ноябрида ҳуқуқ ҳимоячиси Елена Урлаева Андижон вилоятининг Балиқчи тумани пахта далаларида бўлиб, ўқитувчиларининг назорати остида пахта ...
20 декабр 2020
Россиянинг иқтидордаги «Единая Россия» партияси депутатлари Қозоғистон ерларининг бир қисми Россияники, дея уни қайтариш лозимлигини таъкидламоқда. Қозоғистон жамоатчилиги ва ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...