Асосий мавзулар
27 январ 2020

Чироқчида ИИБнинг гумонланувчини ўлдирган 5 ходими қамалди

Қашқадарë вилояти Чироқчи тумани ИИБ қидирув бўлимининг беш нафар ходими гумонланувчини сўроқ пайтида уриб ўлдириб қўйганликда айбланиб ҳибсга олинди.

“Элтуз” тасарруфидаги терговгача суриштирув ҳужжатларида ëзилишича, жорий йилнинг 23 январь тунги соат бирларда 32 яшар гумонланувчи Юсуф Абдураҳмонов ИИБ биносида ўлган. 

Ҳужжатларга кўра, Лангар қишлоғида мол ўғирлигида гумонланиб ҳибсга олинган Абдураҳмоновнинг жасади Чироқчи тумани ИИБ ЖҚ гуруҳи тезкор вакили, 30 ёшли катта лейтенент Бекзод Очиловнинг 3- қаватдаги кабинетида топилган.

Гумонланувчи ўлими юзасидан Қашқадарë прокуратураси текширув бошлади. Кузатув камераси тасвирлари ўрганилмоқда. Бу ўлим билан боғлиқ жиноят иши фигуранти сифатида Чироқчи тумани ИИБнинг беш нафар ходими қамоққа олинган.

Абдураҳмоновнинг жасади вилоят прокуратураси ходимлари томонидан кўздан кечирилди. “Элтуз”да мавжуд бўлган ҳужжатда ëзилишича, марҳумнинг чап кўзи, чап елкаси, чап билаги ва иккала қўли юза қисмида шафқатсиз қийноқ аломатлари мавжуд.

“Айбига иқрор” қилишнинг ўзбекча модели

Лангар МФЙ Тўлақул қишлоғида 2019 йилнинг ëзида бешта ҳўкизни ким ўғирлаганини аниқлаш мақсадида шу тумандаги ўнлаб турғунлар олти ой давомида ИИБ биносига олиб келиниб, сўроқ қилинаверган. 

Шундай гумонланувчилардан бири (ҳозирда марҳум) Юсуф Абдураҳмонов 2020 йилнинг 22 январь куни кечқурун соат тўққизларда қўлига кишан солинган ҳолда туман ИИБ маъмурий биносига олиб кирилган. 

Кузатув камераларида Абдураҳмонов катта лейтенант Очилов етовида бинога олиб кирилгани акс этган. 

Ҳужжатларга кўра, Очилов гумонланувчи Абдураҳмоновни бино учинчи қаватидаги ўз хонасига киргизиб, майор, 31 яшар Нурбек Овлаев ва ИИБ ЖҚ гуруҳи тезкор вакили, 35 яшар капитан Анвар Жонқобилов қўлига топширган.

Ҳужжатларда катта лейтенент Очиловнинг чиқиб кетгани айтилади (аммо кузатув камераси тасвирларида бунинг аниқ далили йўқ).

Терговгача суриштирув баëнномасида ëзилишича, 22 январь 23.30да майор Овлаев ва капитан Жонқобилов гумонланувчи Абдураҳмоновнинг соғлиғи сўроқ пайтида бирдан ëмонлашганини ИИБ ФМБ бошлиғи биринчи ўринбосари Менгноровга билдиришади. Чақирилган шифокорлар томонидан Абдураҳмоновнинг ўлими қайд қилинади. 

23 январь кунги маълумотномада ëзилишича, “марҳумни сўроқ пайтида уриб қийнаб ўлдирган Овлаев ва Жонқобилов номаълум томонга қочиб кетиб қолишган”. Маълумотда Овлаев ва Жонқобилов қидирувга берилганини ëзилади. “Элтуз”га 27 январь куни маълум бўлишича, майор Овлаев ва капитан Жонқобилов дохил ИИБнинг яна учта ходими қўлга олинган.

Қашқадарë прокуратураси ушбу жиноятни ўрганмоқда.

Мазкур ҳодиса юзасидан Ўзбекистон Жиноят кодексининг 206-моддаси (ҳокимият ёки мансаб ваколати доирасидан четга чиқиш) бўйича жиноят иши очилган.

Бундан олдин, 2013 йилда Яккабоғ тумани Чордара қишлоғида яшовчи 32 ёшли Ҳусниддин Оққўзиев Чироқчи тумани ички ишлар бўлими ходимлари томонидан қийноққа солиниши оқибатида ўлган эди.

Eltuz.com

Тағин ўқинг
18 май 2017
17 май куни ижтимоий тармоқда одамларни ваҳимага солувчи видео пайдо бўлди. Йўл-йўлакай машина ойнасидан олинган тасвирда, милиция кийимидаги шахс ...
12 феврал 2018
Тошкентдаги “Минор” масжиди имоми ноиби 42 ёшли Аброр Мухтор Алига 10 февраль куни ишдан бўшаш учун ариза ëздирилди. “Элтуз” ...
8 январ 2016
Қишнинг қаҳри қаттиқлашган сари, газ идораси ходимларининг дағдағалари ортади.  Рассом Элсеварнинг навбатдаги ҳажвий сурати ҳам Ўзбекистондаги газ муаммолари ҳақида. ...
30 ноябр 2017
Ноябрь охирига келиб Мирзиёевнинг «қишлоқлардаги ҳар бир хонадоннинг товуқ боқиши ва лимон етиштириши”га имкон яратишга оид ташаббуси ўзини оқламагани ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...