Асосий мавзулар
7 сентябр 2020

Эри уриб қўлини синдириб, ахлатли памперс едирган аёл муаммосини мулозимлар бости-бости қилмоқчи

Эри томонидан аёвсиз калтакланиб, боласининг ахлати тўла уч кунлик памперсни ейишга мажбурланган самарқандлик 25 ёшли Мустаҳкамнинг дўппослангани видеоси тарқалганидан сўнг 5 сентябрь куни Самарқанд шаҳри ҳокимлиги бу ҳақда хабар берди.

Расмий хабарга кўра, Самарқанд ИИБ эри томонидан аёвсиз калтакланган аёлни ўз ҳимоясига олган. Уни иш билан таъминлаб, янги уй олишида ҳам кўмаклашишини ваъда қилган.

Мустаҳкам тиббиёт коллежида ўқиган, ҳамшира, тўртта тилни билади. Шаҳар ҳокимлиги аёл бир неча йилдан бери таҳқир, хўрланишлар остида яшаб келса-да, бирор марта на маҳаллага ва на бошқа ташкилотга мурожаат қилмаганлиги боис, бу оила нотинч оила сифатида рўйхатда турмаслигини билдирган.

«Қайнона-қайнотаси келини ҳақида жуда яхши фикрда. Уларнинг айтишича, ўша куни келини огоҳлантирмай қариндошиникида қолиб кетган. Жанжал шундан келиб чиққан», дейилади ҳокимлик ахборотида.

Бундан аввал тармоқда аёлнинг эри томонидан аёвсиз калтакланаётгани, ҳатто ўша хонадондаги итнинг ҳам аёлга раҳми келиб ҳимоя қилишга урингани акс этган видео тарқалган эди.

Воқеаларни ёритиб келаётган блогер Ақида Хоним 3 сентябрь куни олган видеосида Мустаҳкам 2018 йили эри уни уриб, мажбурлаб уч кунлик ахлатли памперсни едиргани ҳақида ҳикоя қилади:

«Емайман» деганимда, графин билан бошимнинг орқасига уриб, «Ейсан!» деб мажбурлади… Уриб-уриб едирди, қусганимни ҳам едирди. «Сен ёлғондан қусяпсан, қусганингни ҳам ейсан», деб едирганди», дейди аёл.

Жорий йилнинг 5 сентябрь кун Ақида Хоним навбатдаги жонли ёйинида Самарқанд шаҳри ҳокимлиги вакиллари жабрланувчи аёлни оиласи билан яраштириш учун унга босим ўтказа бошлагани, бунинг учун айрим масъуллар ҳатто аёлнинг қайнотасидан пул олганини таъкидлаб ўтган.

«Умуман қайтмайман, бормайман, чунки у ердан менинг ўлигим чиқади, мен болаларим учун яшашим керак», дейди калтакланган аёл блогерга берган интервьюсида.

Ўзбекистонда аëлларга қарши зўравонлик кўлами аниқ ўрганилган эмас. Ўтган ҳафта охирида Андижоннинг Марҳамат туманида яшайдиган қиз қўшниси тарафидан зўравонлик нишони бўлгани ортидан ўз жонига қасд қилган эди.

Eltuz.com

Тағин ўқинг
7 декабр 2017
Шавкат Мирзиёевнинг Ўзбекистон президенти этиб сайланганига 4 декабрда бир йил бўлди. Куз ўтиб қиш келди. Газсиз, чироқсиз уйларда сайловчилар ...
18 март 2016
Тожикистон Президенти Имомали Раҳмон янги туғилган чақалоқларни «тожикларнинг миллий маданиятига бегона» туркий сўзлар билан исм қўйишни тақиқлайдиган қонунни имзолади ...
28 октябр 2015
Суткалаб свет ёнмайдиган, газ ўтказилган ҳолатда, газни трубасидан ҳаво ҳам кемайдиган қишлоқда, движок ёқиб ўтирганизда, хаёлингизни бўлиб, телевизордан ёнаётган ...
25 ноябр 2020
“Элтуз”нинг Ўзбекистон Республикаси Ҳарбий прокуратурасидаги бир-биридан мустақил манбаларига кўра, бу ташкилот раҳбариятида Баҳодир Худойбердиев деган “золим ва ўзбошимча ўринбосар” ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...