Асосий мавзулар
2 ноябр 2020

Франциянинг йиртилган байроғи воқеаси юзасидан расмийлар нотўғри маълумот тарқатган

Намангандаги Grand Sherdor меҳмонхонаси олдига осилган Франция байроғи йиртиб ташланиши воқеаси расмий жавобларда билдирилганидан анча бошқачароқ кечгани маълум бўлди. 

Бу воқеа ҳақидаги хабарлар 28 октябрь куни ижтимоий тармоқлар орқали тарқалган, мазкур ҳолат акс этган суратлар ҳам эълон қилинганди. 

“Озодлик” радиоси сайтида воқеа юзасидан материал берилганидан сўнг меҳмонхона раҳбари байроқ йиртиб ташланмагани, ювиш учун олингани ва яна илиб қўйилганини айтган, шу билан мавзу ёпилганди…

Бироқ “Элтуз” мухбирининг суриштируви ортидан расмийлар тақдим этган маълумот билан гувоҳларнинг гапи икки хил чиқаётгани билиниб қолди. 

Жумладан, воқеага гувоҳ бўлган, ўзини Жамшид дея таништирган  фуқарога кўра, байроқни уч йигит ечиб олган. Улардан бири байроқни йиртиб ташлаган ва меҳмонхонага кириб кетган. Улар меҳмонхона ходимлари бўлган.

Байроқни расмга олиб, ижтимоий тармоқда эълон қилган фуқаро эса меҳмонхона раҳбарияти тазйиқидан сўнг расмни саҳифасидан ўчиришга мажбур бўлганини билдирди.

Мавзу юзасидан “Элтуз” мухбири меҳмонхона раҳбарияти билан боғланди. У бунга жавобни видеодан оласиз, дея таҳририятга ўзининг воқеага жавобан уюштирилган видеохабарини тақдим этди. 

“Элтуз”нинг айнан байроқ ечиб олинаётгани акс этган видеони тақдим этиш тўғрисидаги сўровига эса рад жавоби берилди. 

“Видеода ҳеч ким келиб байроқни йиртиб ташлай олмайди. Бу ерда кузатув камералари 24 соат ишлаб туради. Бизда давлат рамзларига ҳурмат бор”, деди меҳмонхона раҳбари “Элтуз” билан суҳбатда. 

Eltuz.com

Тағин ўқинг
8 ноябр 2017
Россиянинг «Родина» партияси, «Ватан йўлбарслари» ёшлар қаноти ва «Россия миллий-ватанпарварлари» жамоатчилик ташкилоти фаоллари Москва шаҳри маъмуриятининг Ўзбекистоннинг марҳум президенти ...
12 декабр 2016
«Ҳуррият» газетаси (07.12) ёш журналист йигитнинг моҳиятан халқ дардини ёзишдан қочиб, буни ўзича оқлашга урингани тўғрисидаги мақолани эълон қилди. ...
13 феврал 2017
«Адолат» газетасининг ёзишича, шу номдаги социал демократик партия депутатлари уйма-уй юриб, «жойларда муаммоларни аниқлаб, аксариятини ҳал этяпти». Бу партия ...
6 июл 2017
Президент Мирзиёевнинг 29 май кунги қарори билан «Ўзбекэнерго» 6 562 нафар электромонтёрни, «Ўзтрансгаз» эса 4 255 нафар газ текширувчини ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...