Асосий мавзулар
5 январ 2021

Бўка туманидаги мактаб ўқувчилари эски дала шийпонида дарс ўқимоқда

Тошкент вилоятининг Бўка туманидаги 49-умумтаълим мактаби ўқувчилари мутлақо шароити йўқ эски дала шийпонида ўқишмоқда.

Бу ҳақда бўкалик фермер ва фаол Анвар Қиличев 2020 йил 14 декабрь куни тасвирга олиб тарқатди.

Видеода совуқ синфхоналарда ўқувчилар ва ўқитувчиларнинг қалин қишли кийимларда дарс ўтаётгани акс этган.

“Мактабда иссиқлик таъминоти йўқ. Спорт зали йўқ. Ошхона йўқ. Ҳожатхонада қўл ювиш учун сув ҳам йўқ”, дейди Қиличев.

Айни видеони тасвирга олгани учун тошкентлик фаол Анвар Қиличевни  туман халқ таълими бўлими судга берган.

Ҳуқуқ фаоли Елена Урлаевага кўра, Қиличев мактабдаги аҳволни тасвирга олиш билан ўқув машғулотларига халақит берганликда айбланмоқда.

Бундан илгари «Элтуз» Қашқадарё вилоятидаги Чироқчи туманининг Олмазор қишлоғида жойлашган 61-мактаб ўқувчилари  хароб аҳволдаги бинода дарс ўтаëтгани акс этган видеони эълон қилган эди.

“Элтуз”га тақдим этилган видеода бешинчи ва еттинчи синфларга дарс ўтилаётган ҳолат тасвирланганди.

Қашқадарё вилояти халқ таълими бўлими ушбу видеони уюштирилган, дея баҳолади. Расмийлар ўз айбларини тан олиш ўрнига, “бу монтаж”, дея расмий баёнот беришди.

Ундан ҳам олдин “Элтуз” Энамяхши қишлоғидаги мактаб билан Тошкентдаги супер таъмирланган мактабни солиштириб видео қилган эди.

Мазкур мактабдаги аҳволни танқид қилган собиқ депутат Қобил Дўсовни халқ таълими вазири Шерматов судга берди.

Мактаблардаги аҳволни яхшилаш ҳақида ўйлаш ўрнига халқ таълими мулозимлари бу шароитларга эътибор қаратган фаолларга босим ўтказишда давом этишмоқда.

«Элтуз» навбатдаги ҳолат – Тошкент вилоятининг Бўка туманидаги 49-умумтаълим мактабидаги аҳвол юзасидан  Ўзбекистон халқ таълими вазирлигидан жавоб кутади.

Eltuz.com

Тағин ўқинг
22 феврал 2023
Ўзбекистон Суриянинг зилзиладан жабр кўрган ҳудудига 50 тоннага яқин инсонпарварлик ёрдам юкини жўнатди. Аввалроқ Туркияга ҳам 170 тонна гуманитар ...
25 июн 2018
Ўзбекистон халқ рассоми Баҳодир Жалоловнинг Қўқон театри деворига ишланган «Ғарб ва Шарқ учрашуви» дея номланган фрескаси Қўқон шаҳри амалдорлари ...
21 январ 2020
“Кaмолотчи” бармоғини бигиз қилди ва чеккада ўтирган васёкни ўрнидан турғазди. – Ҳўв сан, қани ўрнингдан тур-чи! Қатта ишлайсан? Кўринишингдан ...
13 январ 2023
Ўзбек киноси шимолдаги «уришқоқ» давлат эмас, балки Гарбдаги тараққийпарвар давлатлар билан ҳамкорлик қилаётгани қувонарли ҳолдир. Сал олдин ВГИКнинг филиали ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...