Асосий мавзулар
8 июн 2021

Ҳокимликка ёрдам сўраб борган косонлик шахс калтакланганини айтмоқда

Имтиёзли кредит ажратилишига ёрдам сўраб, 2 июнь куни Косон тумани ҳокимлигига борган иккинчи гуруҳ ногирони, 35 ёшли Дилшод Отаев ҳоким ёрдамчиси томонидан калтаклаганини иддао қилмоқда.

Бу ҳақда у Косон тумани ИИБ бошлиғи ва туман прокурори номига уни сабабсиз калтаклаган ҳоким ёрдамчиси Соҳиб Пардаевга чора кўрилишини сўраб 2 июнь куни ариза ёзган.

Дилшод Отавевнинг ИИБ бошлиғи ва туман прокурори номига ёзилган аризаси

«Элтуз»га берган интервьюсида Дилшод Отаев бир йилча олдин Халқ банки орқали кредит расмийлаштиришга ҳаракат қилгани, рад жавоби олгач, Косон тумани ҳокимлигига ёрдам сўраб ариза ёзгани, аризасига банкда расмийлаштирган барча ҳужжатларни илова қилганини айтади.

“27 май куни мен ҳокимликка ариза топширганман. Орадан бир ҳафта ўтиб, 2 июнь куни бордим. Мени у ерда (ҳокимлик ходимаси – таҳр) Ҳалима Сатторова қабул қилди. Аввалига у: “Сенинг ҳужжатларингни Нодира Қодирова (Косон тумани ҳокими ўринбосари, маҳалла ва оилани қўллаб-қувватлаш бўлими бошлиғи – таҳр) олиб қолган, у кишига мурожаат қил”, деди.

“Нима қиласизлар одамни умидвор қилиб, ўйин қиляпсизларми”, дедим. У сенга Қодирова керакми деб, телефон орқали Соҳиб Пардаев деганни чақирди”, дейди Отаев.

Шундан сўнг, Отаевнинг сўзларига кўра, ҳоким ёрдамчиси Соҳиб Пардаев уни қабул бўлимидан кичик залга олиб ўтади. Ўша ерда эшикни қулфлаб олади ва уни калтаклайди. Отаевнинг айтишича, Пардаев унинг елка қисмига тепади. Бошига зарба беради.

Отаев шу куни уйига келгач, ўзини ёмон ҳис қилиб, тез ёрдам чақирган, бошида шиш пайдо бўлган, рентген қилишган.

Шифокорлар унинг баданида очиқ жароҳат аломатлари йўқлиги, бошини эса экспертиза қила олмасликларини билдиришган.

«Элтуз» воқеага ойдинлик киритиш учун 6 июнь куни Косон тумани ҳокимлигига қўнғироқ қилди. Ўзининг умумий бўлимда ишлашини айтган ходим ҳақиқатан ҳам Соҳиб Пардаев ҳоким ёрдамчиси эканини тасдиқлади.

Бироқ у «Элтуз»га ҳокимлик биносида Дилшод Отаевнинг калтакланганидан хабари йўқлигини айтди.

“Биринчидан, унинг кредит сўраб қилган мурожаати қандай қилиб ҳокимлик томонидан ижро этилиши мумкин? Иккинчидан, бу инсоннинг қандай жанжал қилганини билмайман. Лекин унга кредит керак бўлса, банкдан олавермайдими, гапидан ҳам кўриниб турибди-ку қандай мурожаат қилгани…”, деди ҳокимлик мулозими «Элтуз»га берган изоҳида.

«Элтуз» Дилшод Отаевни калтаклагани иддао қилинган ҳоким ёрдамчиси Соҳиб Пардаевдан ҳам изоҳ олишга уринди. Бироқ унинг телефони кун давомида қўнғироқларга жавоб бермади.

Eltuz.com

Тағин ўқинг
7 март 2019
1) Сиз туғилганингизда ўғил бола туғилгани каби қувонишмайди. «Бола ўлдиришдан кўра камроқ тарқалган селектив абортлар билан улкан миқдорда қиз болалар ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани қаердан топасиз! Орзуга айб ...
23 феврал 2017
23 феврал куни бир бирига туташ кўп қаватли биноларда йирик ёнғин юз берди. Ёнғин Чилонзор туманидаги, «Мирзо Улуғбек» метро ...
11 май 2018
Ўзбекистоннинг давлат монополисти бўлган «Ўзбекистон ҳаво йўллари» авиакомпанияси хусусийлаштирилади. Бу ҳақда Халқаро валюта жамғармаси маслаҳатчиси Сардор Саъдуллаев 9 май ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...