Муҳаммад Солиҳ мустақиллик ва сохта сайлов ҳақида

Ўзбекистон мустақиллигининг 30 йиллиги арафасида «Элтуз» мухбири «Эрк» демократик партияси лидери Муҳаммад Солиҳ билан суҳбатлашди.

Муҳаммад Солиҳнинг сўзларига кўра, бу йилги президент сайлови ҳам ҳар сафаргидек сохтадир, Мустақилликнинг 30 йиллиги эса ўтган 2020 йилнинг 20 май ойида нишонланиши керак эди. 

1990 йили айни санада республика парламенти Мустақиллик декларациясини эълон қилди. Бу декларация матни парламентга “Эрк” демократик партияси томонидан тақдим этилганди.  

«Ўзбекистон мустақиллиги биз эълон қилган декларациядан бошланади», деди Муҳаммад Солиҳ «Элтуз»га берган интервьюсида.

1991 йилнинг декабрида Муҳаммад Солиҳ Ўзбекистондаги президент сайловида Ислом Каримовнинг ягона рақиби бўлган. Расмий (сохталаштирилган) маълумотларга 12,7 фоиз, бунга қадар республика радиосида берилган эълонга кўра 33 фоиз овоз олган.

“Озодлик” радиосига берган интервьюсида таниқли публицист ва давлат арбоби Шароф Убайдуллаев “1991 йилги сайловда Ислом Каримов эмас, балки Муҳаммад Солиҳ ютиб чиққани”ни очиқлаган эди. 

“Эрк” демократик партияси бу йилги президент сайловини бойкот қилишга чақирган.

Eltuz.com