Асосий мавзулар
25 октябр 2021

Юлдуз Усмонова шоирни “Ахлатий” дея ҳақорат қилди

22 октябрь куни Тошкент шаҳри Мирзо Улуғбек тумани фуқаролик ишлари судида шоир Йўлчи Рўзиевнинг даъво аризасига биноан бўлиб ўтган суд мажлисида Ўзбекистон халқ артисти Юлдуз Усмонованинг ишончли вакили қатнашди. 

Биринчи суд мажлисида Юлдуз Усмонова келмаганди. Унинг ишончли вакили иштирок этган бу галги суд мажлисида эса томонларнинг фикрлари эшитилди. Узоқ давом этган музокаралардан сўнг жавобгар томон таклифига биноан навбатдаги суд мажлиси 29 октябрга кўчирилди. Унгача томонларга ўзаро келишиш таклифи берилди.

Бу орада 22 октябрь куни Юлдуз Усмонованинг бастакор Шаҳбоз Носиржонов билан бўлган суҳбати ижтимоий тармоқда тарқалди. Унда хонанда судлашувга оид ҳолатга шахсий муносабатини билдириб, шоир Йўлчи Рўзиевга “Ахлатий” дея таъриф берган. 

Бундан қаттиқ норозилик билдирган шоир Йўлчи Рўзиев халқ артистининг ҳақоратига тегишли идора вакиллари баҳо беришини сўрамоқда.

– Юлдуз Усмонова мени ижтимоий тармоқда “шоир Ахлатий” деб ҳақорат қилди, – дейди шоир. – Шеърнинг 95 фоизини мен ўзим ёзганман, деб айтиб ўтган. Фуқаролик судига шеърнинг меники эканини тасдиқловчи ҳужжатларни тегишли тартибда тақдим этганман. Халқ артистининг ижтимоий тармоқдаги саҳифасига жойланган видеода шахсимга ҳақоратлар бор. Ушбу ҳолатга тегишли тартибда баҳо берилишини сўрайман.

“Элтуз” мухбири ҳолат юзасидан хонанда билан боғлана олмади. Унинг маъмури бу бўйича тайинли гап айтмади.

Шоир Йўлчи Рўзиев суддан икки шеърини қўшиқ қилиб куйлаган Юлдуз Усмоновадан қалам ҳақини ундириб беришни сўрамоқда. 

Шоирнинг сўзларига кўра, бундан бир неча йил аввал қўшиқ қилинган шеърлари учун хонанданинг маъмурлари унинг номидан қалам ҳақи ваъда қилган. Аммо ваъда ваъдалигича қолиб кетган. 

“Унинг ўзи мени рози қилишини айтди. Қалам ҳақи эвазига китобимни чоп этиш таклифини берди. Мен рози бўлдим. Ҳисоб ишларини турмуш ўртоғи ва продюсери Мансур Агалиев амалга оширади, деди. Аммо бу ваъда ҳам бажарилмади”, деди Йўлчи Рўзиев. 

Eltuz.com

Тағин ўқинг
7 апрел 2020
«Элтуз» рассом Кирпининг коронавирус карантини туркумидан янги карикатурасини тақдим этади.
26 ноябр 2019
Бу галги «Ёзарнинг саси» рукнида «Элтуз» Ўзбекистон халқ шоири, 98 яшар адиб Шукрулло домланинг фикрларини эътиборингизга тақдим этади. Шукрулло ...
7 ноябр 2017
2017 йилнинг 3 ноябрида ҳуқуқ ҳимоячиси Елена Урлаева Андижон вилоятининг Балиқчи тумани пахта далаларида бўлиб, ўқитувчиларининг назорати остида пахта ...
20 октябр 2021
Ўзбекистон президенти сайлови арафасида мустақил журналистлар ва блогерларга босимлар кучайди. Хусусан, 16 октябрь куни “Озодлик”нинг телеграм каналига журналистларга ўлим ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...