Асосий мавзулар
1 ноябр 2021

Тошкентда Шуҳрат Бобожоннинг шахсий кўргазмаси очилди

Тошкентдаги “Ҳамар” бадиий галереяси кўргазмалар залида 1 ноябрь куни таниқли рассом Шуҳрат Бобожон асарлари кўргазмаси тақдимоти бўлиб ўтди. “Гиламда акс этган уруш» (War on carpet) дея номланган муҳташам кўргазмадан рассомнинг турли даврларда чизган 40 га яқин рангтасвир асари ўрин олди.

Кўргазма очилишида иштирок этаётган, орадан ўттиз йил ўтиб илк бор Тошкентга келган Шуҳрат Бобожоннинг айтишича, кўргазмага Ўзбекистондагилардан ташқари ҳозир дунёнинг кўплаб музейларида ва коллекционерлар шахсий фондида сақланаётган тасвирий санъат асарлари қўйилган.  

“Дунëдаги долзарб воқеалар фақат ОАВда эмас, балки тасвирий санъат асарларида ҳам ўз аксини топади. Кўргазмада рассом Шуҳрат Бобожоннинг 1983 йилдан то 2021 йилгача яратган асарлари намойиш қилинади. Бу асарларда дунëда юз берган воқеаларга (11 сентябрь фожеаси каби) ишоратлар бор», дейилади кўргазма концепциясида.

Кўргазма концепциясига кўра, рассом асарларида атрофда кечаётган шиддатли воқеаларнинг субъектив манзараси акс этган.

«Тош даврида яшаган энг биринчи рассом ғор деворларига ўзи кўрган воқеаларни чизиб қўйган. Бу расмларда қўлида қурол билан ов қилаëтган одамлар акс этган. Кейинчалик миниатюра¸ керамика ва тўқимачилик маҳсулотлари, хусусан, гиламларда ҳам қуролли одамлар тасвирлари пайдо бўлди. Камондан ўқ отаëттан ва қилич ушлаганлар тасвири бу асарлар бош мавзуси эди», дея тушунтиришга ҳаракат қилади рассом ўз асарларининг концептуал моҳиятини.

Кўргазмалар залига қўйилган асарларнинг бир қисми Урганч давлат суратлар галереяси фондидан келтирилган. Кўргазма ташкилотчиларидан бири бугунги кунда “Ҳамар” бадиий галереяда ишлаётган рассом Ширин Тошевадир.

Кўргазмани ташкил қилишда унинг ҳиссаси катта бўлди. Бу бежиз эмас. 2016 йилнинг декабрида Хоразм вилоятидаги маҳаллий амалдорлар ва МХХ ходимлари Шуҳрат Бобожоннинг санъат асарларини ёқиб юбориш кераклигини айтиб, таҳдид қилишган эди.

Ўша йили ишдан бўшатилган галерея бош муҳофизи Ширин Тошеванинг жасурлиги ва маданий қадриятларни ҳимоя қилишга садоқати туфайлигина улар сақлаб қолинган.

“Ниҳоят, узоқ йиллар сургунда юрган рассомнинг чорак аср тақиқда бўлган асарлари «Ҳамар» кўргазмалар залида намойиш қилинмоқда. Фақат мирзиёевча илиқлик туфайли у Тошкентга келиб ўзининг шахсий кўргазмасини очмоқда. Рассомнинг бу йўли узоқ бўлди. Унинг ўзи айтганидек, “тошларни териш даври” келмоқда”, деди ижтимоий тармоқда кўргазма ҳақидаги ўз фикрларини қолдирган таниқли рассом ва давлат арбоби Турсунали Қўзиев.

Eltuz.com

Тағин ўқинг
4 декабр 2015
(ХМТ) Халқаро меҳнат ташкилоти пахта йиғим теримида болалар ва мажбурий меҳнатдан фойдаланишга оид мониторинг натижаларини эълон қилди. ХМТ экспертлари: ...
20 декабр 2022
«Элтуз» порталига келган навбатдаги бешта шикоятни ўқиб эшиттирамиз. Дастлабки шикоят Самарқанддан. Янги трансформатор ўрнатилганига қарамай, айрим ҳудудларда ҳануз чироқ ...
14 август 2019
Бир гуруҳ фаолларнинг 13 август куни шоир Маҳмуд Ражаб ҳимоясига норозилик намойиши ўтказишни сўраб Хоразм вилояти ҳокимига, вилоят ИИБ ...
24 апрел 2018
Ўзбекистон Олий Мажлиси Сенати собиқ раиси, Хоразм вилояти ҳокими 59 ёшли Илгизар Собиров “саломатлиги ëмонлашгани боис ўз аризасига кўра” ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...