Асосий мавзулар
8 март 2022

Мухтор Аблязов: «Етиб келдик! Путин Қозоғистонни ҳам олмоқчи»

Қозоғистон мухолифати лидери Мухтор Аблязов Фейсбук саҳифасида 7 март куни Россия коммунистлари лидери Зюгановнинг навбатдаги шовинистик чиқиши ортидан қуйидаги фикрни билдирди.

«Путин афтидан вабанк ўйин бошлади. У Украина билан уруш тугашини кутмоқчи эмас. Путин яқин орада Қозоғистонни ҳам қўлга киритмоқчи. Хуллас, етиб келдик…

Ҳеч қандай Евроосиё иттифоқига кириш ҳам ёрдам бермади, балки Назарбоев ва Токаевнинг хиёнаткорона сиёсати мамлакатимизни босиб олиш қарорини тезлаштирди.

Биз таслим бўламизми ёки украинлар йўлидан борамизми?» деди Мухтор Аблязов. @eltuz

Зюганов Қозоғистон шимолида аксарият руслар яшаши ва қозоқ мактабларида рус тилида дарслар ўтилмаслиги ҳақида гапирган, бунга қарши Россия ҳукумати кескин чоралар кўриши кераклигини билдирган:  

«Шу боис, мен бугун бу масалани Путин, расман бизнинг ҳукуматимиз Давлат  Думасига олиб чиқиши ва бир қатор масалалар муҳокама қилиниши шарт. Биринчи навбатда, бизнинг рус миллатига мансуб аҳолимизни ушбу республикадаги бундай ўзбошимчаликдан ҳимоя қилиш керак. У ердаги бизнинг объектларимиз – Бойқонурдан тортиб, уран қазиб олишга ва қурол ишлаб чиқаришга ихтисослашган корхоналаримизгача ишончлик ҳимоя қилиниши учун ҳамма керакли ишларни қилиш керак. Бунинг учун Қозоғистон рахбарияти билан гаплашиб, қатъий чоралар кўриш юзасидан қарорга келиш керак. Бу чоралар бизга тегишли ҳавфсизликни таъминлаши керак. Ҳам тилга оид, ҳам маданий, ҳам маънавий ва масала зудлик билан ҳал қилиниши керак», деган Россия коммунистлари етакчиси.

Зюгановнинг бу гаплари Россиянинг Украинадаги урушига қарши  Қозоғистонда бошланган намойишлар ортидан янгради. Ундан олдин Қозоғистонни, шунингдек Марказий Осиёнинг бошқа давлатларини ҳам Россиянинг губерниялари сифатида қўшиб олиш ғоясини яна бир рус шовинисти ЛДПР лидери Жириновский илгари сурган эди.

Eltuz.com

Тағин ўқинг
6 декабр 2021
«Албатта, керагидан кўп хато қилганмиз, улардан жуда афсусдаман. Энг катта хатоим суд, жин урсин, мустақил суд тизимини туза олмаганимиз ...
17 апрел 2018
Ўзбекистон президенти Шавкат Мирзиëевнинг Қирғизистонга ташрифи пайтида унга суиқасд қилишда айбланиб, 15 йилга қамалган 30 яшар Достонбекнинг отаси Хурсандбек ...
7 апрел 2020
Таниқли ҳофиз Рустам Ҳожимамедов Самарқандий 6 апрель куни АҚШнинг Нью-Йорк шаҳрида коронавирусдан ўлгани ҳақида яқинлари маълум қилди. «Қурбон ўлам» ...
4 октябр 2015
“Ёшлар” телеканалида эфирга узатилаётган “Сенга ошиқман” (Ишани) сериалини Ўзбекистон Оммавий ахборот воситалари мониторинг маркази зарарли, деб топди.
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...