Вақт машинаси
3 октябр 2015

1 октябр – ўзбек сиёсий маҳкуми Муҳаммад Бекжон 61 ёшда

Умрининг 16 йилини у маҳкумликда кечирмоқда. Расман Тошкентдаги 1999 йилги терактлар учун, амалда эса “Эрк” газетасини чоп этгани ва Муҳаммад Солиҳнинг укаси бўлгани учун.
2012 йили, дастлабки 15 йиллик қамоқ муддати тугагач Муҳаммад Бекжоннонинг Америкадаги қадрдон оиласи уни сабрсизлик билан кутар. Қизи совғалар олган ва отаси учун уйида хонани тайёрлаб қўйган, шифокорларни қабул қилиш учун вақт тайин қилишганди.

Муҳаммад Бекжонни озод этишмади. Ўзбек режими, у тағин турмада 4 йилу 8 ой қолиши керак дея ҳукм чиқарди.

Ҳар бир ўтган кунни санаб, интиқлик билан озодликни кутаётган, ҳар тун уйғониб, турмада кечган яна бир куннинг ўтгани, озодликнинг яқинлашаётганидан завқ олаётган инсоннинг бирдан тағин қамоқда қолишини билиши даҳшат. Расман интизомни бузиш, амалда эса Муҳаммад Солиҳнинг укаси бўлганинг учун.

Биз қайси золим муддатни узайтиришга қарор берганини билмаймиз. Бироқ биз аниқ биламизки, у ҳукумат тепасида, Ўзбекистон қисматини ҳал қилувчи бандада қолмоқда. Бу одамларнинг қабиҳ онгида сиёсий маҳкумларнинг муддатини, озодликка чиқишларига саноқли кунлар қолганда чўзиш фикри бор.

Бу ёвузлик мутлақо тушунарсиз ва иррационал туюлади. Турмадан бир қанча мухолифатчиларни бўшатиш билан ҳукумат сиёсий дивидендлар олиши мумкин эди. Муҳаммад Бекжон ёки бошқа муддати узайтирилаётган ўзбек сиёсий маҳкумлари, кекса ва соғлиғи путурдан кетган шахслардир. Озодликка чиқиб улар бугунги режимга қандай ҳавф солишлари мумкин?
Менда бу саволга жавоб йўқ.

Умида Ниязова,
www.eltuz.com

Тағин ўқинг
25 май 2022
«Элтуз» нашрида чоп этилган “Наманган солиқ тизимидаги наханглар” мақолалари ортидан, ниҳоят Наманган вилоят солиқ идорасидаги «вазият ижобий томонга ўзгарган». ...
15 декабр 2016
Сўнгги ҳафталарда Урганч суратлар галереясидаги сирли тафтиш асносида ëқилишга маҳкум икки диссидент рассом асарлари матбуотга мавзу бўлди. Агар диққат ...
26 август 2016
Бағдод тумани маҳалла фаолларидан бири, eltuz.comга ҳар бир қишлоқда яшовчи 18 ёшдан 55 ёшгача бўлган ҳар уч киши бир ...
20 сентябр 2017
19 сентябр куни Фарғона вилоятидаги Олий ўқув юрти талабаларига пахта терими муносабати билан ўқиш тўхтатилгани билдирилиб, тушликда уйларига кетишга ...
Блоглар
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...