Асосий мавзулар
27 апрел 2022

Алламжонов ҳақ бўлса, унда нега Элтуз блокланган?

Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Женевада бўлиб ўтган тадбирдаги чиқишида Каримов даврида цензура бўлгани ҳақида гапирди. Бу видеони у 27 апрел куни ўз фейсбук саҳифасида эълон қилди.

«Халқаро ташкилотлар раҳбарлари, ҳуқуқ ҳимоячилари, Европа ва Осиё давлатлари элчилари иштирокида Женевада бўлиб ўтган тадбирда ўзбек матбуотининг кечаси, бугуни ва эртанги куни қандай бўлиши кераклиги ҳақидаги мулоҳазаларимни билдирдим», дея изоҳ қолдирди Алламжонов ўз саҳифасида.

Шунингдек Алламжонов ўз нутқида Мирзиёев иқтидорга келганидан кейин, турли ютуқлар қаторида туҳмат ва ҳақорат учун журналист ва блогерларга нисбатан қамоқ жазосини бекор қилинишига эришилгани ҳақида ҳам гапирди.

Мирзиёев даврида журналист ва блогерлар фаолиятига бўлган муносабат ўзгаргани ҳақидаги Алламжонов иддаолари саволлар уйғотади.

Чунки, 2022 йил 3 февраль куни жиноят ишлари бўйича Ҳазорасп тумани суди маҳаллий блогер Собиржон Бобониёзовни Ўзбекистон президентини ҳақорат қилишда айбдор деб топиб, уни 3 йилга озодликдан маҳрум этиш тўғрисида ҳукм чиқарган эди. 

Бобониёзовнинг президентдан кетишни талаб қилиб шиппакни ерга ирғитгани акс этган видеони тарқатгани суд ҳукмига сабаб бўлган эди.

ЖКнинг 158-моддаси 3-қисмида Ўзбекистон Республикаси президентини омма олдида ҳақоратлаш ёки унга туҳмат қилиш, шунингдек, матбуот ёки бошқа оммавий ахборот воситаларидан, телекоммуникация тармоқларидан ёки интернет ахборот тармоғидан фойдаланган ҳолда уни ҳақоратлаш ёки унга туҳмат қилишда айланганлар уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланиши кўрсатилган. 

Айнан президентга туҳмат ва ҳақорат моддаси билан айбланган жамоатчилик фаоли Валижон Калонов эса  2021 йил 3 феврал  куни руҳий шифохонага ётқизилган ва ҳамон у озод этилмаган.

Ўтган йилнинг 10 майида эса Сурхондарё вилояти Музработ тумани суди блогер Отабек Сатторийни 6,5 йилга озодликдан маҳрум этиш тўғрисида ҳукм чиқарган эди. 

Жорий йилнинг январида эса “ЛГБТ тарғиботчиси” сифатида кўриладиган блогер Миразиз Бозоровга нисбатан суд 3 йилгача озодликни чеклаш жазоси тайинлади. 

Алламжонов шунингдек, Мирзиёев иқтидорга келганидан кейин Би Би Си, Немис тўлқини, Fergana.ru каби бир қанча сайтлардан тўсиқлар олиб ташлангани ҳақида гапирди.

Яна савол туғилади. Агар ҳорижий сайтлардан тўсиқлар олиб ташланган бўлса, у ҳолда Элтуз сайти нега Ўзбекистонда хамон блокланганича қолмоқда?

Eltuz.com

Тағин ўқинг
7 май 2018
Европанинг энг ривожланган давлатлари, жумладан, Германия, Осиёда эса Япония атом электр станциялари ўрнига қайта тикланадиган муқобил энергетикага ўтиш қатъиятини ...
26 декабр 2016
25 декабр куни швед полициясидан ўзининг депорт қилингани ҳақидаги хабарни эшитган 34 ёшли Жавлон Мухсинов қўллари ва қорнини тиғ ...
21 май 2018
Андижон шаҳрининг сўконғич ҳокими Дилмурод Раҳматуллаевнинг тилини тушовлашнинг умуман имкони бўлмаяпти. Ўтган йили шундай феъли сабабли у суд қарори ...
18 август 2020
Тушимга коронавирус кирибди. Беморликка гумон қилинаётганлар тест топшираётган каттагина хонада эканман. Ўзим соғлом эканман аммо. Менгаям вирус юқмасин деб ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...