Асосий мавзулар
3 июн 2022

Санжар ва Рухшонанинг аксил муҳаббат қиссаси

Жиноят ишлари бўйича Яшнобод туман суди хотинини калтаклаган режиссёр Санжар Маткаримовни икки йилу бир ой озодликдан чеклаш ҳакида ҳукм ўқиди. Ўзбекистон ЖК 109¸139¸141 моддалари бўйича айбли деб топилган Маткаримов қасддан баданга енгил шикаст етказиш, тухмат ва хакорат қилганликда айбланди. Суд ҳукмига кўра Маткаримовнинг озодлиги икки йилу бир ой муддатга чекланди. Шу муддат ичида Маткаримов ўз уйида тунги соат 22 00 дан эрталабки 7 00 гача бўлиши шарт.

Жорий йилнинг апрель ойи бошида қўшуқчи Рухшона собиқ эри Санжар Маткаримов устидан шикоят билан туман судига мурожаат этган эди. Бу шикоятда қўшиқчи ўзининг режиссëр эрини муштумзўрликда айблаган эди.

«Элтуз» мухбири суҳбатда суд айбдор деб тооган Санжар Маткаримов ўзини жабрланган деб ҳисоблаши ва хотини Рухшонани туҳматчи дея билишини уқтирди.

Элтуз билан суҳбатда Маткаримов суд қарори ва суд экспертиза хулосаларидан норозилигини ҳам билдирди;

–Менга нисбатан суд нотўғри ҳукм чиқарди, –дейди режиссёр Санжар Маткаримов. –Рухшонанинг шахсий дахлсизлигига раҳна солмаганман. Аксинча, у мен билан яшаб юрганида қилиб юрган қилмишлари нафсониятимга тегди. Аввал ҳам айнан шу мавзуларда оилавий келишмовчиликлар келиб чиқарди. Унинг ёлғон ва алдовларига учган эканман. Ҳаётда ҳам кўп роль ўйнади. Менда ҳам очиқлашга арзигулик далиллар бор. Қўлимда унинг мен билан яшаб юрган кезлардаги бир неча кишилар билан ишқий ёзишмалари, яқин муносабатлари акс этган фактлар бор. Гапираман деса гап кўп. Менинг ўрнимда бошқа бўлганда ҳам жаҳли чиқиши табиий эди. Чунки оила муқаддас, унда эр ва хотиннинг ҳеч бир ҳужжатда ёзилмаган бурчлари бор. Қолаверса, ўртада болалар учун ҳам мен ўзимни тийиб турган эдим. Суд ҳукмидан норозиман ва тартибга кўра ўз шикоятларимни тақдим этаман.

Хонанда Рухшона «Элтуз» мухбирига эри томонидан рухий ва жисмоний тазйиқлар кундан-кунга кучайиб бораётганидан сўнг уни судга беришга мажбур бўлганини ва бошқа маълумотларни адвокати руҳсатисиз тақдим эта олмаслиги маълум қилди.

Жиноят ишлари бўйича Яшнобод туман суди мулозими Санжар Маткаримов иши бўйича жараëн давом этиши мумкинлигини айтди.

Шунингдек, «Элтуз» га судда котиблик қилган ходимнинг берган маълумотига кўра, Рухшона ва Санжар Маткаримов 2021 йилнинг октябрь санасидан буён бирга яшашмайди ва томонлар ажрашишга қарор қилишган( Ҳали ажрим якунига етмаган). Хонанда Рухшонанинг аризасига кўра, Бу орада Санжар унинг шахсий дахлсизлигига таҳдид қилган ва ижод қилишига турли кўринишда ҳалал берган. Собиқ турмуш ўртоғи Санжар Маткаримов Рухшонанинг шахсий видеолари ва расмларини ижтимоий тармоқларда тарқатган. Рухшонанинг телефон орқали бўлган ёзишмаларини унинг рухсатисиз ўқиган ва хонандадан ёзишмалар бўйича изоҳ талаб қилган. Хонанданинг бўйин, елка ва қорин қисмига енгил тан жароҳати етказган. Аризада кўрсатилган важлар суд экспертиза хулосаларида ҳам ўз тасдиғини топган.

Маълумот ўрнида, Рухшона ва Санжар Маткаримов 2016 йил 7 майда турмуш қурган. Икки нафар фарзанди бор.

Тағин ўқинг
18 феврал 2022
Мана февралниям белини синдирдик. Яна 15 кун чидаб берсак баҳор келади. Балки кўклам келса президентга мақтов ëзадиган маддохлар баҳор ...
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд қилмаётгани ҳақида кўп ва ...
24 феврал 2024
Сайлов бу демократиянинг умуртқа поғонаси. Ҳар бир ватандош парда билан ўралган хонага кириб, ўз сиëсий иродасини билдириб иқтидор векторига таъсир ...
2 январ 2018
Янги йилнинг 1 январидан Ўзбекистонда спиртли ичимликлар қимматлади. Молия вазирлиги ва Давлат солиқ қўмитаси қўшма қарорига кўра пиводан ташқари ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...