Асосий мавзулар
25 январ 2023

Риштонлик фермерлар пилла шартномасини прокурор босими остида имзолашди

 “Элтуз”га етиб келган маълумотларга қараганда, Риштон туманида прокурор босими остида фермерлар ипак қурти боқиб, пилла етиштириш шартномасини имзолашга мажбурланган.

Бу ҳақда “Элтуз”га бир-биридан мустақил икки манба хабар қилди.

– Риштонда пиллачилик корхонаси бошлиғи аёл киши, – дейди фермерлардан бири. – Аввал ўзи менга қўнғироқ қилди ва 7 қути ипак қурти боқиб беришим, бунинг учун пилла ширкати билан шартнома тузишим зарурлигини айтди. Ишим кўплигини, ғалла ва пахта етиштиришга ихтисослашган фермер эканимни, қолаверса, даламнинг четига тут дарахти экмаганимни, менда ипак қурти боқиш учун озуқа базаси йўқлигини билдирдим.

Фермернинг сўзларига кўра, шундан сўнг пилла корхонаси раҳбари уни “бошқача гаплашиш” ҳақида огоҳлантирган. Кўп ўтмай, уни туман прокурори чақирган.

“Борсам, хонасида 10-12 чоғли фермер ўтирибди. Аввал менга “сиз зўрмисиз, нега қурт боқмайман деяпсиз, шунақа боқасиз”, деб қаттиқ гапирди. Агар шартномага имзо қўйиб, муҳр босиб бермасам, фермерлик фаолиятимни давом эттириш ёки эттирмаслик масаласини кўриб чиқиш билан таҳдид қилди. Ноилож, бўш шартнома қоғозига имзо қўйиб, муҳр босиб бердик”, деди манба “Элтуз”га.

Ипак қурти фермерларга қандай тақсимланади? Ҳамма фермерга бир хил режа қўйиладими ёки бошқача тартиб борми?

Бу саволларга жавоб берган яна бир фермернинг билдиришича, баъзида 3 гектар ерга 1 қути ипак қурти боқиш мажбурияти юкланади. Гоҳида эса исталган меъёр белгиланади. Аниқ меъёр йўқ.

“Мен пилла ширкати бошлиғи телефон қилиб айтган заҳоти бориб, шартнома имзолаб келдим. Барибир “қилмайман, тутмайман”, дейишдан фойда йўқ. Тепадагилар қиласан дедими, қиламиз. Бугун ёки кеча фермерлик қилаётганим йўқ. Йилларки, шундай бўлиб келган”, деди фермер.

Унинг таъкидлашича, бу каби қўшимча ишлардан бўйин товлаб бўлмайди. Чунки барибир ё ҳоким, ёки прокурор орқали фермерларга босиб ўтказилади. Охир-оқибат калтак барибир яна фермернинг бошида синади.

Тағин ўқинг
1 май 2023
Салом қадрли мухлислар, бугун 1 май эътиборингизга Элтуз «600 секунд»нинг  навбатдаги сонини тақдим этади. +++ Ўзбекистон Республикаси референдумининг дастлабки ...
11 январ 2016
Бугун соат 16.00 да бошланган маҳкама бор йўғи бир кун давом этди ва кутилмаганда ҳуқуқ ҳимоячисининг озод этилиши билан ...
21 март 2023
Элтуз ўзининг кундалик кўрсатувларини давом эттиради. Бугунги кўрстувимизга ўтган асрнинг тўқсонинчи йилларидан буён АҚШда яшаётган сиёсатшунос Баҳодир Файзни таклиф ...
22 феврал 2021
Бош вазирлигида Қорасув-1 мавзеси томондаги камтаргина ҳовлида истиқомат қилган президент Шавкат Мирзиёев айни пайтда ҳашаматли қароргоҳларда яшашни афзал билмоқда. ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...