Асосий мавзулар
24 май 2023

Россияга содиқлик, провакатор ҳужуми, умра ва қимор – 600’46

Куни кеча Андижонда ўзларини «Тўмарис издошлари» деб атаган гуруҳ паркда ўз партияси учун имзо йиғаëтган Хидирназар Оллоқуловга ташланди ва уни калтаклади. Бундай хужумчиларни илгари Тошкент ва Урганчда ҳам кўрганмиз. 

 2019 йил ëзида эса артистлар ҳақида ëзадиган сариқ матбуот «Сайëд» шотири Сардор Комилов ҳужумчи провакатор ўлароқ меҳмонхонага бостириб кирган? Хюман Райтс Уотч вакили Стив Свердлов яшайдиган жойга бостириб кириб халқаро ташкилот вакилини ҳақорат қилган эди.

+++

Республика тез тиббий ёрдам маркази Бухоро вилоят филиали раҳбари Айбек Рўзиев ва вилоят юқумли касалликлар шифохонаси врачи Нарзиллаев Маҳмуд Ғиждувоний кўчасида яшайдиган Қиличевадан ҳамшираликка ишга қабул қилиш учун 300 доллар олаëтган пайтда ушланди. Порахўрлар қамoқда. 

+++

Тошкентда 200 кишининг 15 миллиард сўмини  ўмарган дин тужжори 9 йилга қамалди 

Тошкент шаҳар судининг маълум қилишича,  судланувчи жиноий шериклари билан 200 дан зиёд кишини «диний ривоят билан алдаб», ишончига кириб, автомашина ва турар жойлар олиб берамиз деб, ўзлари тузган МЧЖ ҳисоб рақамига катта миқдордаги пулларни тушириб олган ва ўз мақсадлари йўлида ишлатиб юборган.  

Жабрланувчиларнинг билдиришича, бу ҳожаканинг фирмаси “пеня” йўқлиги, фоиз ставкалари деярли мавжуд эмаслиги тўғрисидаги ҳақиқатга зид бўлган маълумотларни тарқатиб, аҳолининг диний эътиқодидан фойдаланиб, уларни алдаган. Рибо йўқлигини айтиб, исломий тарафдан ишончига кириб олган.

Хабарга кўра, судланувчи жиноий шериги билан олдиндан тил бириктириб, 2022 йилнинг 10 январь куни Чилонзор туманида МЧЖ ташкил этган. Белгиланган тартибда рўйхатдан ўтиб, ушбу жамиятни  пулга ўч таниқли блогерлар ёрдамида реклама қилиб, ижтимоий тармоқларда хизмат кўрсатиш фаолияти билан шуғулланувчи фирма сифатида кўрсатишга эришган.

Келтирилишича, жабрланувчиларга етказилган зарар миқдори 15 миллиард сўмни ташкил этади. Жиноий гуруҳнинг бир нафари жазо тайинлаш учун судга олиб келинган. Унинг жиноий шерикларидан бири қидирувга берилиб, қолганларига нисбатан иш алоҳида юритиш учун ажратилган.

Судланувчи Жиноят ишлари бўйича Чилонзор туман судининг ҳукми билан Жиноят кодексининг 168-моддаси (фирибгарлик) 4-қисмининг “а” бандида назарда тутилган жиноятни содир этганликда айбли деб топилиб, 9 йил муддатга озодликдан маҳрум қилинди. Апрслар қамоқда…

+++

22-май куни “Путиннинг ғамгин  қирчанғиси” номини олган Лавров Москвада Ўзбекистон ташқи ишлар вазири Бахтиёр Саидов билан музокара ўтказди. 

Лавровнинг сўзларига кўра, “икки давлат ўртасидаги алоқалар санксия чекловларига қарамай, барча йўналишларда жадал ривожланмоқда”. 

Ўзбекистон Россия билан ҳамкорлик касофати боис ғарб санкциялари остида қолиши кутилаёган Марказий Осиё давлатларидан биридир. 

Ëнгинагизда юз берган аммо сиз билмаган воқеалардан ҳабар топмоқчи бўлсангиз Элтуз каналига обуна бўлинг.

Тағин ўқинг
8 март 2021
(Муҳаммад Солиҳ аудиокитобининг давоми) Бизнинг миллиятчи мафкурамиз комммунистик мафкурага енгилди. Сабаб объектив эди. 70-йиллар ўзбек жамиятида – бир-неча киши ...
8 декабр 2017
5 декабрь куни 51 ёшли тадбиркор Олим Сулаймонов оқлов ҳукми билан озод қилинди. Президентга видеошикояти ортидан 9 ой қамоқда ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш учун қиз бола бўлиб ...
7 октябр 2023
Август ойида Қашқадарё  вилояти  Косон  туманидан  ўтган  катта  каналнинг Гувалай  қисми тупроқ билан  ёпиб  қуйилган. Бунинг оқибатида 20 мингга ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...