Прокуратура кимларни қамаганини Элтуз аниқлади

Транспорт прокуратураси Тошкент халқаро аэропорти яқинида қурилаётган йўл ўтказгичнинг 5 та тўсини қулаб тушгани ҳолати юзасидан тергов иши очиб, 3 нафар мансабдор шахсни гумонланувчи сифатида қамоққа олди.

Транспорт прокуратураси Тошкент халқаро аэропорти яқинида қурилаётган йўл ўтказгичнинг 5 та тўсини қулаб тушгани ҳолати юзасидан тергов иши очиб, 3 нафар мансабдор шахсни гумонланувчи сифатида қамоққа олди.
Тошкент прокуратураси мулозимлар шахсини эълон қилгани йўқ, бироқ Элтуз уларни аниқлашга муваффақ бўлди.
Ҳукуматдаги манбаларнинг Элтузга маълум қилишларича, қуйидаги шахслар қамоққа олинган: “Ўзбекистон Темир Йўллари” АЖ бош менежери – бош муҳандиси З. Э. Махаматов; “Ўзбекистон Темир Йўллари” АЖ “Кўприкқурилиш трести” УК, 67-Кўприкқурилиш отряди иш юритувчиси Э. Ю. Муҳитдинов; Ўзбекистон Темир Йўллари” АЖ “Кўприкқурилиш трести” УК, 67-Кўприкқурилиш отряди бошлиғи Р.К. Ахмедов.
Прокуратурага кўра, йўл ўтказгич қурилишидан 2 млрд 760 млн. сўмлик зарар кўрган.
Ҳозирда жиноят иши юзасидан дастлабки тергов ҳаракатлари олиб борилмоқда.
Бундан олдинроқ ижтимоий тармоқларда Тошкентда аэропорт яқинида қурилаётган йўл ўтказгичнинг бешта тўсини бир вақтнинг ўзида қулаб тушгани акс этган видеолар тарқалганди. “Ўзбекистон темир йўллари” бунга эҳтиётсизлик сабаб бўлганини маълум қилганди. Коррупционер мулозимлар қамоқда.