Асосий мавзулар
31 октябр 2022

ЭП40: Адирдаги портлашлар, жонига қасд қилган талаба ва яна пахта…


«Элтуз портали»га келган навбатдаги бешта шикоят мактубини ўқиб эшиттирамиз дастлабки шикоят Намангандан.

Адирдаги портлаш аҳоли тинчини бузмоқда

“Наманган вилояти Чуст тумани Қорақўрғон қишлоғидан мурожаат қиляпмиз. Тадбиркорлар адирда портлаш уюштириб, аҳоли тинчини бузмоқда. Кўп идораларга мурожаат қилдик, натижа бўлмаяпти. Аҳоли талабига қулоқ солишларини кутяпмиз”

Бухоролик талаба ўз жонига қасд қилди

«Институт пахта ва енгил саноат факултети 1-курс талабаси 26-октябр куни тунда 40 дона қон босими тушурувчи таблеткасини ичиб ўз жонига қасд қилган. Талабанинг аҳволи оғир, ҳозир Республика шошилинч тез тиббий ёрдам маркази Бухоро вилоят бўлимида кома ҳолатида. Институтга биринчи қадамини қўйиб таълим олишига эндигина икки ой бўлган талабани ўз жонига қасд қилишига олиб борган сабаб, Ректор професор Нусрат Баракаев бошчилигида, проректор Й. Шукруллаев, ДХХдан ёшлар ишлари бўйича маслахатчи Б.Ортиқов факултет декани И.Рахмонов ва зам декан Х.Қувватовларнинг Бухоро мухандислик технология институтида талабалар билан ишлаш жараёнлари ачинарли ҳолатда бўлганими ёки ректор Баракаевни институтда ёшлар билан ишлаш тизими борасидаги муҳитни хароб ҳолатга олиб келганими?
Ёшлар масалаларига масъул бўлган Республика бош прокуратураси ва Республика Давлат хавфсизлик хизматидан жавобни кутиб қоламиз.» дея ёзади бухоролик ватандош. Кейинги мактуб Хоразмдан.

Мажлисбозлик

«Ассалому алайкум туз оға, Хоразмдан мурожаат қиляпмиз.
Хоразм вилояти ҳокими Ф. Эрманов ҳар куни 21:00 дан 3-4 соатлаб селектор ўтказиб келмоқда, Президентимиз мажлисбозликни камайтир дегани сари Хоразмда мажлисбозлик авжида.»
Навбатдаги мактуб Самарқанднинг сув тошган кўчалари ҳақида.

Шалаббо кўчалар

“Ёмғир ёғса, кўча ва уйимизда кўлмаклар ҳосил бўлади”
“Самарқанд вилояти Каттақўрғон тумани Намозполвон МФЙ Т.Очилов кўчаси 16-уйдан мурожаат қиляпмиз. Ёмғир ёғса кўчамиз ва уйимизда кўлмаклар ҳосил бўлади. Йўл четидаги ариқлар ҳам йўқ бўлиб кетган. Туман идораларига мурожаат қилдик, аммо фойдаси бўлмади. Илтимос, амалий ёрдам беринглар!”

«Пешку туманида ҳоким ёрдамчилари бўлар-бўлмас ишларга кўмилди…»

«Ассалом алайкум туз оға!
Сизга Бухоро вилояти Пешку туманидан бир қатор ҳоким ёрдамчилари номидан ёзяпман, илтимос муаммомизни ёритинг.
Оҳирги пайтларда туман ҳокими ҳоким ёрдамчиларини бўлар бўлмас ишларга кўмиб ташламоқда, одамларни пахтага чиқаришдан тортиб аҳолидан мол мулк ва ер солиқларини ундуриш, вақтида тўланмаган кредитларгача ундуриш ҳоким ёрдамчиларига юкланмоқда. Устига устак ҳар куни туман пахта тозалаш заводида кечки 9 да йигилиш ўтказиб неча киши пахтага чиқардинг қанча солиқ йиғдинг деб жонга тегворди. Илтимос мутасадди рахбарлар назоратга олинглар.»

Eltuz.com

Тағин ўқинг
23 апрел 2023
Яхшиям, ўша қуриб- қақшаган денгизимиз бор. «Орол қуриди», дея 30 йилдан бери гапиришга мавзу бор. Яна бир 30 йиллик ...
27 август 2021
Рассол Кирпи
15 апрел 2019
«Халқаро амнистия» (Аmnesty International) ташкилоти 10 апрель куни қамоқда сақланаётган Ўзбекистон собиқ бош прокурори 67 яшар Рашид Қодировнинг қийноқларга ...
18 январ 2018
Миллий хавфсизлик хизмати собиқ генерали Шуҳрат Ғуломов қамоқхоналардаги айрим сиёсий ва диний маҳкумларни йўқ қилиш гуруҳини тузган. Бу ҳақда ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...