Асосий мавзулар
14 сентябр 2023

Москвада 22 яшар ўзбек икки одамнинг калласини олди

Ўзбекистондан Россияга учиб келган 22 яшар Ҳасанбой Муҳаммаджонов бир кунда иккита одамнининг калласини олишга улгурди. 12 сентябр куни у Москвада ҳибсга олинди. Бироқ барибир нима учун бундай қабиҳ жиноятга қўл ургани сабабини айтмади.

«Московский комсомолец» газетасининг ёзишича, у Приоров номидаги Травматология ва ортопедия тиббиёт марказининг таниқли шифокори ва Қирғизистонлик мигрантнинг калласини кесиб даҳшатли қотилликка қўл урганликда айбланмоқда.

Қотиллик Москванинг шимолида юз берган. Терговда Муҳаммаджонов ўз қурбонлари билан мессенжерда ёзишиб, танишганини билдирган, бироқ жиноятидан бир кун олдин Москвага келган меҳмон бу каби шафқатсиз қотиллик сабабини изоҳлашга қийналган.

Рус матбуотига кўра, фожиадан сал аввал 56 ёшли жарроҳ Доржо Аюшеев Телеграм гуруҳида Хасанбой исмли йигит билан ёзишма бошлаган. 11-сентабр куни эса шифокор интернетдаги суҳбатдошини Фестивалная кўчасидаги иккихонали евро квартирасига таклиф қилган.

Эртаси куни шифокорнинг 40 ёшли жияни у билан боғлана олмаганидан ташвиш билдира бошлаган. Қариндоши унга чамодонларини йиғишга ёрдам бериши керак эди. Аюшеев таътилга чиқиб Улан-Удедаги ватанига сафарини режалаштирган ва самолёт чипталари 12 сентябр куни эрталаб соат 9:00 га сотиб олинган эди. Аёл шифокорнинг уйига келганида, унинг бўғизланган жасадни топади. Терговчилар, унинг ошхона пичоғи билан бўғизлаб ўлдирилганини  аниқлашган

Қотил жабрланувчининг банк карталарини олиб, кейинчалик нималардир харид қилишга ҳам улгуради. Квартирадан чиққан каллакесар у яқиндаги Дружба боғидаги пивохонага боради. У ерда, сал аввал мессенжерда танишган яна бир шахс, Қирғизистондан келган 25 ёшли меҳнат муҳожири билан учрашув режалаштирилган эди. Уларнинг учрашуви иккинчи шафқатсиз қотиллик билан якунланган. Қўриқчи мигрантнинг бошсиз жасадига дуч келган.

Тергов ҳаракатлари давомида маълум бўлишича, уй муюлишидаги видеокамералар шифокорнинг машъум эркакни уйига бошлаб келаётгани тасвирини ёзиб олган. Тез орада жиноий қидирув ходимлари унинг – 22 ёшли Хасанбой Махамаджонов эканини аниқлаган. У Зеленограддаги қариндошлари олдига бориши керак эди.

Маҳмуджонов Москва вилоятида мардикор бўлиб ишлаган. 10-сентабр куни у Ўзбекистондан Россиядаги қариндошлариникига келган эди. «Московская комсомолец» нашрига кўра бу ўзбек етим ўсган бўлиб, уни бир пайтлар зўрлаб қўйган амакиси тарбиялаган. Ҳибсга олинган шахс жиноят сабабларини айтмаган, у руҳий экспертиза ҳулосаси олишга жўнатилди.

Тағин ўқинг
8 декабр 2017
5 декабрь куни 51 ёшли тадбиркор Олим Сулаймонов оқлов ҳукми билан озод қилинди. Президентга видеошикояти ортидан 9 ой қамоқда ...
5 апрел 2021
Сурхондарё вилоятининг Жарқўрғон туманида яшовчи фуқаро Яхшигул Жумаева (исми ўзгартирилган) шаръий никоҳдаги эри ўз туғишган укаси билан уни жинсий ...
13 феврал 2017
«Адолат» газетасининг ёзишича, шу номдаги социал демократик партия депутатлари уйма-уй юриб, «жойларда муаммоларни аниқлаб, аксариятини ҳал этяпти». Бу партия ...
28 май 2019
Молия вазирлиги ходимлари томонидан бюджет ташкилотларида ўтган йили ва жорий йилнинг биринчи чораги давомида ўтказилган назорат тадбирлари бу муассасаларнинг ...
Блоглар
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...